ಬರುತಿ‌ಎಂದೆಯಲ್ಲೊ

ಬರುತಿ‌ಎಂದೆಯಲ್ಲೊ
ಬಾರದೆಹೋದೆ ಎಲ್ಲೊ|
ಮಗು ಲೋಹಿತಾಶ್ವ||

ಬಿಸಿಲ ಜಳಕೆ
ನಿನಗೆ ಬಾಯಾರಿಕೆಯಾಗಿಹುದೋ|
ನಿನ್ನ ಹಸಿವು ಬಾಧಿಸಿಹುದೋ?
ನಿನ್ನ ಜೊತೆಗಿದ್ದವರು
ನೀನು ಸಣ್ಣವನೆಂದು
ನಿನ್ನ ಕಾಡಿನಲಿ ಹಿಂದೆಬಿಟ್ಟರೇನೋ?||

ಅರಮನೆಯಲಾಡಿ ಬೆಳೆದವ ನೀನು
ಅಡವಿಯ ಪರಿಚಯವಿಲ್ಲ ನಿನಗೆ|
ಮನೆಯ ಹಾದಿಯ ಮರೆತೆಯೆನೋ
ಕಾಡ್ಗಿಚ್ಚು ನಿನ್ನ ತಡೆಯಿತೇನೋ|
ಕಾಡಮೃಗಗಳಿಗೆದರಿ
ಅಡಗಿ ಕುಳಿತಿರುವೆ ಏನೋ?||

ನನ್ನ ಬಲಗಣ್ಣು ಹಾರುತಿಹುದೆ
ಎದೆ ಬಡೆತ ಏರುತಿಹುದು|
ಹೊಟ್ಟೆಯಲೇನೊ ಸಂಕಟವಾಗುತಿಹುದು|
ನಿನ್ನ ತಂದೆ ಬಂದು
ಕಂದನೆಲ್ಲಿ ಎಂದರೆ ಏನ ಉತ್ತರ ನೀಡಲಿ?|
ಹೋಗಿ ಹುಡುಕಿ ಕರೆತರುವೆಯೆಂದರೆ
ಮನೆಯೊಡತಿ ಬಿಡುತ್ತಿಲ್ಲ ನನ್ನನು||

ಧರ್‍ಮ ಸತ್ಯಸಂದ ಶ್ರೀಹರಿಶ್ಚಂದ್ರನ
ವಂಶೋದ್ಧಾರ ಏಕಮಾತ್ರನು ನೀನು|
ನಿದ್ದೆಯಲು ಸುಳ್ಳನಾಡದವ ನೀನು|
ಕಾಶಿವಿಶ್ವನಾಥನನು ಪ್ರಾರ್‍ಥಿಸು
ನಮ್ಮ ಕುಲವನುಳಿಸೋ ಎಂದು
ಕರುಣೆ ತೋರುವನು ದೀನ ಬಂಧು|
ಸರಿರಾತ್ರಿಯಾದರೂ ಸರಿ
ಕೆಲಸ ಮುಗಿಸಿ ನಾ ಬರುವೆ ನಿನ್ನಲ್ಲಿಗೆ
ಹೆದರಿ ಕೊರಗದಿರು ನೊಂದು||
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಕೃಪೆ ತೋರು
Next post ಕ್ರಿಮಿಕುಲವಿಮರ್ಶೆ

ಸಣ್ಣ ಕತೆ

  • ಆ ರಾತ್ರಿ

    ಆ ದಿನ ಮಧ್ಯಾಹ್ನ ವಸಂತನ ಮನೆಯಲ್ಲಿ ಬಹಳ ಗಡಿಬಿಡಿ! ವಸಂತ ತಾನು ಕೂಡುವ ಕೋಣೆಯನ್ನು ಅತ್ಯಂತ ಶಿಸ್ತಿನಿಂದ ಇಡುವ ಕಾರ್ಯದಲ್ಲಿ ಮಗ್ನನಾಗಿದ್ದನು. ಗಡಿಯಾರದ ಮುಳ್ಳುಗಳು ಎರಡು ಗಂಟೆಯಾದುದನ್ನು… Read more…

  • ಮಾದಿತನ

    ಮುಂಗೋಳಿ... ಕೂಗಿದ್ದೆ ತಡ, ಪೆರ್‍ಲಜ್ಜ ದಿಡಿಗ್ಗನೆದ್ದ. ರಾತ್ರಿಯೆಲ್ಲ... ವಂದೇ ಸಮ್ನೆ ಅಳುತ್ತಾ, ವುರೀಲೋ... ಬ್ಯಾಡೋ... ಯಂಬಂತೆ, ದೀಪದ ಬುಡ್ಡಿ, ನಡ್ಮುನೆ ಕಂಬ್ಕಂಟಿ, ಸಣ್ಗೆ ವುರಿತಿತ್ತು. ಯದೆವಳ್ಗೆ ಮಜ್ಗೆ… Read more…

  • ದುರಾಶಾ ದುರ್ವಿಪಾಕ

    "ಒಳ್ಳೇದು, ಅವನನ್ನು ಒಳಗೆ ಬರಹೇಳು" ಎಂದು ಪ್ರೇಮಚಂದನು- ಘನವಾದ ವ್ಯಾಪಾರಸ್ಥನು- ಆಢ್ಯತೆಯಿಂದ, ತಾನು ಆಡುವ ಒಂದೊಂದು ಶಬ್ದವನ್ನು ತೂಕಮಾಡಿ ಚಲ್ಲುವಂತೆ ಸಾವಕಾಶವಾಗಿ ನುಡಿದನು. ಬಾಗಿಲಲ್ಲಿ ನಿಂತಿದ್ದ ವೃದ್ಧ… Read more…

  • ರಾಮಿ

    ‘ಸಲಾಮ್ರಿ’ ರೈಲಿನ ಹೊತ್ತಾಗಿದೆ. ವೆಂಕಟೇಶನು ಒಂದೇಸವನೆ ತನ್ನ ಕೈಯಲ್ಲಿಯ ಗಡಿಯಾರವನ್ನು ನೋಡುತ್ತಿದ್ದಾನೆ. ‘ಸಲಾಮ್ರೀಽ ಏಕ ಪೈಸಾ.’ ಆಗ ಮತ್ತೆ ಒದರಿದಳು. ಟಾಂಗಾದ ತುದಿ ಹಿಡಿದು ಕೊಂಡು ಓಡ… Read more…

  • ಮೋಟರ ಮಹಮ್ಮದ

    ನಮ್ಮಂತಹ ಈಗಿನ ಜನಗಳಿಗೆ ಹೊಲ, ಮನೆ, ಪೂರ್ವಾರ್ಜಿತ ಆಸ್ತಿ ಪಾಸ್ತಿಗಳಲ್ಲಿ ಹೆಚ್ಚು ಆದರವಿಲ್ಲೆಂದು ನಮ್ಮ ಹಿರಿಯರು ಮೇಲಿಂದ ಮೇಲೆ ಏನನ್ನೋ ಒಟಗುಟ್ಟುತ್ತಿರುತ್ತಾರೆ. ನಾವಾದರೋ ಹಳ್ಳಿಯನ್ನು ಕಾಣದೆ ಎಷ್ಟೋ… Read more…

cheap jordans|wholesale air max|wholesale jordans|wholesale jewelry|wholesale jerseys