ಸೇವೆ ಮಾಡುವರು ಬೇಕಾಗಿದೆ
ಕನ್ನಡದ ಸೇವೆ ಮಾಡುವವರು
ಬೇಕಾಗಿದೆ||
ಸೇನೆ ಕಟ್ಟುವವರು ಬೇಕಾಗಿದೆ
ಕನ್ನಡ ಸೇನೆ ಕಟ್ಟುವವರು ಬೇಕಾಗಿದೆ||
ಗಡಿಯ ಒಳಗೆ, ಗಡಿಯ ಹೊರಗೆ
ಕನ್ನಡದ ಪಡೆಯ ಕಟ್ಟುವವರು
ಹುಟ್ಟಬೇಕಾಗಿದೆ|
ಗಲ್ಲಿ ಗಲ್ಲಿಯಲ್ಲಿ ಕನ್ನಡದ ಬಾವುಟ
ಹಾರಿಸುವವರು ಬೇಕಾಗಿದೆ||
ಗಡಿಯಲ್ಲಿನ ಕನ್ನಡಿಗರ ಮನಸ ತಿಳಿದು
ಅವರ ನೋವ ಹೋಗಲಾಡಿಸುವವರು
ಬೇಕಾಗಿದೆ|
ಕನ್ನಡದ ಸಂಘಟನೆಗಳ ಒಟ್ಟುಗೂಡಿಸಿ
ಕನ್ನಡಿಗರ ಬಲವರ್‍ಧನೆ ಮಾಡುವವರು
ಬೇಕಾಗಿದೆ||
ಕನ್ನಡ ನೆಲ ಜಲ ಭಾಷೆಯ ಸಂರಕ್ಷಣೆಯ
ಮಾಡುವವರು ಮುಂದೆ ಬರಬೇಕಾಗಿದೆ|
ಕನ್ನಡಜನರ ಸ್ವಾಭಿಮಾನಕಪಚಾರ
ಮಾಡುವವರ ವಿಚಾರಿಸುವ ಅಪ್ಪಟ
ಕನ್ನಡಿಗರು ಹೆಚ್ಚಬೇಕಾಗಿದೆ|
ಕನ್ನಡಿಗರ ಅಭಿಮಾನವ ಕೆರಳಿಸುವರ
ಹುಟ್ಟಡಗಿಸುವವರು ಬೇಕಾಗಿದೆ||
*****
