ಅಮ್ಮಾ ಎಂದು ಯಾರನು?

ಅಮ್ಮ ಎಂದು ಯಾರನು ಕೂಗಲಿ?
ಅಮ್ಮ ಎಂದು ಯಾರ ತಬ್ಬಿಕೊಳಲಿ|
ನಿನ್ನ ಪ್ರೀತಿ ಮಮತೆ ಸಿಗದೀಜಗದಿ
ನಾನಾದೆನಿಂದು ತಬ್ಬಲಿ||

ಅಮ್ಮಾ ನನ್ನ ಆಸೆಗಳನ್ನೆಲ್ಲಾ
ಯಾರಬಳಿ ಹೇಳಲಿ
ಅಮ್ಮ ನನ್ನ ಬೇಕು ಬೇಡಗಳ
ಹೇಗೆ ತಾನೆ ತಿಳಿಯಲಿ|
ಅಮ್ಮಾ ನನ್ನ ಸರಿ ತಪ್ಪುಗಳ
ಹೇಗೆ ಸರಿಪಡಿಸಲಿ|
ಅಮ್ಮಾ ನಾ ಹೆದರಿದಾಗ
ಯಾರನು ತಬ್ಬಿ ಮಲಗಲಿ||

ಅಮ್ಮಾ ನನಗೊಂದು ವೇಳೆ
ಸಂತೋಷವೇನಾದರೂ ಆದರೆ
ಯಾರ ಬಳಿ ಹೇಳಲಿ|
ಅಮ್ಮಾ ನಿನ್ನ ಪ್ರೀತಿ ನೆನೆದು
ಅಳು ಬಂದೊಡನೆ
ಯಾರ ಬಳಿ ಓಡಲಿ||

ಅಮ್ಮ ನಿನ್ನ ಪ್ರೀತಿಗೆ ಸಮವುಂಟೇ ಈಜಗದಿ|
ಹೆತ್ತ ಕರುಳ ಮಮತೆ ಸಿಗುವುದುಂಟೆ?
ನಾನು ಮರೀಚಿಕೆ ನೆಚ್ಚಿ ಓಡುತಿರುವೆ
ಅದು ನನಗೆ ಈ ಜನ್ಮದಲಿ ಸಿಗುವುದೆ ?
ದೇವಾ ನನ್ನ ಯಾವ ತಪ್ಪಿಗೆ ಈ ಶಿಕ್ಷೆ
ನನ್ನಂತವರಿಗೆ ಇರಲಿ ನಿನ್ನಯಾ ಶ್ರೀರಕ್ಷೆ||
*****