ಪ್ರೀತಿಯಿಂದ ಕೊಲ್ಲು ನೀ
ಸುಖವಾಗಿ ಸಾಯುವೆ||
ಪ್ರೀತಿಸಿದಂತೆ ನಟಿಸಿ
ಮಾತ್ರ ಮೋಸವ ಮಾಡಬೇಡ!
ಪವಿತ್ರ ಪ್ರೀತಿ ನನ್ನದು, ಅದು
ಎಂದೆಂದೂ ಅಜರಾಮರ||
ಮಗುವು ಅಮ್ಮನ ನಂಬಿದಂತೆ
ನಾನು ನಿನ್ನ ನಂಬಿದೆ|
ತಂಗಿಯು ಅಣ್ಣನ
ನಂಬಿದಂತೆ ನಾ ನಂಬಿದೆ|
ಹೂವೊಂದು ಮುಳ್ಳನು
ನಂಬಿದಂತೆ ನಾನು ನಿನ್ನ ನಂಬಿದೆ|
ಆದರೆ ನೀನು ಮಾತ್ರ
ಆ ನಂಬಿಕೆಯನ್ನೆಲ್ಲಾ ಹುಸಿಮಾಡಿದೆ||
ನನ್ನ ಪ್ರೀತಿ ಅಮೃತದಿ ನೀನು
ಸಿಹಿಯ ವಿಷಬೆರಸಿ ಉಣಿಸಿದೆ|
ಹಾಲಾಹಲವ ಹಾಲೆಂದು
ನಂಬಿ ನಾನು ಪ್ರೀತಿಯಿಂದಲಿ ಕುಡಿದೆ|
ನನ್ನ ಮಾನಸ ಸರೋವರದಲಿ
ಕರಗದ ಮಂಜು ಗಡ್ಡೆಯಾಗಿ ನೀನು
ಧುಮುಕಿ ಹೃದಯವನು ಕಲಕಿದೆ|
ಈಗ ಬಣ್ಣವೇ ಇರದ ಹಿಮಗಡ್ಡೆಯಾಗಿ
ಹೆಪ್ಪುಗಟ್ಟುತಾ ಶೀತ ಶೈತ್ಯದಲಿ
ನಾನು ಶಿಲೆಯಾಗುತಿರುವೆ ||
*****
