ತಾರನೆ ಶ್ರೀರಾಮ

ತಾರನೆ ಶ್ರೀರಾಮ
ಸೀತೆಯು ಬಯಸಿದ ಮಾಯಾಮೃಗವ
ತಂದೀಯನೆ ಆ ರಾಮ

ಪರ್‍ಣಕುಟಿಯ ಸುತ್ತಲು ಕುಣಿಯುವುದಿದು
ಜಿಂಕೆಯ ಹಾಗಿರುವುದು ಆದರು ಎಂಥಾ ಜಿಂಕೆಯಿದು
ಬಂಗಾರದ ಜಿಂಕೆಯಿದು
ಕಿನ್ನರ ಲೋಕದ ಜಿಂಕೆಯಿದು
ಇಂದ್ರ ಲೋಕದ ಜಿಂಕೆಯಿದು
ಸೂರ್ಯ ಚಂದ್ರರೆ ಮೋಹಿಸುವ ಜಿಂಕೆಯಿದು
ಬೇಕೇಬೇಕಿದು ತನಗೆನುವಳು ಸೀತೆ
ಪರಿಪರಿಯಲಿ ಪತಿಯ ಬೇಡುವಳು
ಕಾಡಿ ಹಟ ಮಾಡುವಳು

ಬೇಡವೀ ಮೃಗದ ಗೊಡವೆಯೆಂದರೂ ಶ್ರೀರಾಮ
ಇದು ಮಾಯಾ ಜಿಂಕೆ ನೋಡು
ನೆಲ ಮುಟ್ಟದೆ ನೆಗೆವುದು ನೋಡು
ಬಿಸಿಲಲ್ಲೂ ನೆರಳಿಲ್ಲದ ಮೈ ನೋಡು
ಕಂಡೂ ಕಾಣಿಸದೆ ಕೆಣಕುವುದು ನೋಡು
ಈ ಇಂಥ ಜಿಂಕೆ ನಿಜವಲ್ಲ ನೋಡು
ನೋಡೆಂದನು ಶ್ರೀರಾಮ

ಬೇಕೇಬೇಕಿದು ತನಗೆನುವಳು ಸೀತೆ
ಪರಿಪರಿಯಲಿ ಪತಿಯ ಬೇಡುವಳು
ಕಾಡಿ ಹಟ ಮಾಡುವಳು

ಅಲ್ಲಿಂದಲೆ ರಾಮಾಯಣ
ಅಲ್ಲಿಂದಲೆ ಇನ್ನೆಂದೂ ಮುಗಿಯದ ಯಾನ
ಅಲ್ಲಿಂದಲೆ ಲಂಕಾದಹನ
ಅಲ್ಲಿಂದಲೆ ಎಲ್ಲ ಕಥೆಗಳ ಜನನ

ಹಾ ಲಕ್ಷ್ಮಣ! ಹಾ ಸೀತೆ!
ಕಂಡಿದ್ದಳೆ ಆ ಮಹಾಮಾತೆ
ತನ್ನ ಮುಂದಿನ ಕಥೆಯ
ದಿವ್ಯ ದೃಷ್ಟಿಯೊಳಗೆ
ಪಾತ್ರವಾಗದೆ ಇರುವುದು ಹೇಗೆ
ಮಾನವ ಜನ್ಮ ತಳೆದ ಮೇಲೆ!

ಹೇ ಭೂಮಿ ತಾಯೆ
ನೀ ಕರೆಯುವ ವರೆಗೆ!
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ನಾ ಕಂಡ ಕವಿ ಹೃದಯಿ
Next post ಆತ್ಮ ಮತ್ತು ಸಾಕ್ಷಿ

ಸಣ್ಣ ಕತೆ

  • ತನ್ನೊಳಗಣ ಕಿಚ್ಚು

    ಶಕೀಲಾ ಇನ್ನೂ ಮನೆಗೆ ಬಂದಿಲ್ಲ ಮೈಮೇಲೆ ಮುಳ್ಳುಗಳು ಎದ್ದಂಗಾಗದೆ. ಅಸಲು ಜೀವಂತ ಅದಾಳೋ? ಉಳಿದಾಳೆ ಜಿಂದಾ ಅಂಬೋದಾದ್ರೆ ಎಲ್ಲಿ? ಕತ್ಲೆ ಕವ್ಕತಾ ಅದೆ. ಈಗಷ್ಟೇ ಒಂದು ಗಂಟೆ… Read more…

  • ಮೌನವು ಮುದ್ದಿಗಾಗಿ!

    ಮೋಹನರಾಯರು ರಗ್ಗಿನ ಮಸಕು ತೆಗೆದು ಸುತ್ತಲೂ ನೋಡಲು ಇನ್ನೂ ಎಲ್ಲವೂ ಶಾಂತವಾಗಿಯೇ ಇದ್ದಿತು. ಬೆಳಗಿನ ಜಾವವು ಜಾರಿ, ಸೂರ್ಯನು ಮೇಲಕ್ಕೇರಿದುದು ಅವರಿಗೆ ಅರಿವೇ ಇರಲಿಲ್ಲ. ಅಷ್ಟು ಗಾಢ… Read more…

  • ಅವರು ನಮ್ಮವರಲ್ಲ

    ಪೇದೆ ಪ್ರಭಾಕರ ಫೈಲುಗಳನ್ನು ನನ್ನ ಟೇಬಲ್ ಮೇಲೆ ಇಟ್ಟು, ‘ಸರ್ ಸಾಹೇಬರು ನಿಮ್ಮನ್ನು ಕರೆಯುತ್ತಿದ್ದಾರೆ’ ಎಂದು ಹೇಳಿ ಮಾಮೂಲಿನಂತೆ ಹೊರಟು ಹೋದ. ಸಮಯ ನೋಡಿದೆ. ೧೦:೩೦ ಗಂಟೆ.… Read more…

  • ಬಸವನ ನಾಡಿನಲಿ

    ೧೯೯೧ರಲ್ಲಿ ನಾ ವಿಭಾಗೀಯ ಸಾರಿಗೆ ಅಧಿಕಾರಿ ಎಂದು ಬಡ್ತಿ ಹೊಂದಿದೆ! ಇಷ್ಟಕ್ಕೆ ಕೆಲವರು ಹೊಟ್ಟೆ ಉರಿ ಬಿದ್ದರು. ಪ್ರಾಮಾಣಿಕರು, ಶೋಷಿತರು, ವಂಚಿತರು, ಪಾಪದವರು, ಮುಂದೆ ಬರಲಿ ಎಂಬ… Read more…

  • ಪ್ರಥಮ ದರ್ಶನದ ಪ್ರೇಮ

    ಭಾಗೀರಥಿ ತೀರದಲ್ಲಿರುವದೊಂದು ಅತಿ ರಮಣೀಯವಾಗಿರುವ ಪ್ರದೇಶದಲ್ಲಿ ಕುಸುಮಪುರವೆಂಬ ಚಿಕ್ಕಿದಾದ ನಗರವಿತ್ತು. ಭೂಮಿಯ ಗುಣಕ್ಕಾಗಿ ಆ ಪ್ರದೇಶದಲ್ಲಿ ಬೆಳೆಯುವ ಬಕುಲ, ಚಂಪಕ, ಮಾಲತಿ, ಪುನ್ನಾಗ, ಗುಲಾಬೆ, ಸೇವಂತಿ ಮುಂತಾದ… Read more…