ಗುಬ್ಬೀಯ ನಿದ್ಯಾಗ ಸುಬ್ಬಿ ನೀ ಸೆಡುವೇನ
ಗುಂಯ್‌ಗಡಕ ಗಿಣಿಹೆಣ್ಣ ಹೊರಹೋಗ ||ಪಲ್ಲ||
ಗುಲಗಂಜಿ ಗುಳಕವ್ವ ಗಿಲಗಂಜಿ ಉಳುಕವ್ವ
ಎದಿಯಾಗ ಸೋಬಾನ ಹಾಡ್ಬೇಡಾ
ಶಿರಬಾಗಿ ಕೈಮುಗಿವೆ ಕುಣಕೊಂತ ಹೋಗವ್ವ
ಉದ್ದುದ್ದ ಕೋಲಾಟ ಆಡ್ಬೇಡಾ ||೧||
ಕಲಸಕ್ರಿ ಗುಡದಾಗ ಜೇಂತುಪ್ಪ ಕಟ್ಯಾಗ
ವಟವಟ ಕಪ್ಯಾಗಿ ವಟಿಬೇಡಾ
ನೆಲ್ಲೀಯ ಮರದಾಗ ಬಚಬಾಯಿ ಹಲ್ಲ್ಯಾಗಿ
ಬೋರಂಗಿ ಕಚಕಚ ತಿನಬೇಡಾ ||೨||
ಯಾಲಕ್ಕಿ ವನದಾಗ ಹಾಲಕ್ಕಿ ನನಮಕ್ಳು
ಕಟ್ಟಿರಿವಿ ನೀನಾಗಿ ಕಡಿಬೇಡಾ
ಹಸಗೊಂಡು ಮಲಗ್ಯಾವು ಅತ್ತತ್ತು ಸೋತಾವು
ಕನಸೀನ ತೊನಿಸ್ಯಾಗಿ ಕಾಡ್ಬೇಡಾ ||೩||
ಸವದತ್ತಿ ಈರಣ್ಣ ಹಾರ್‍ಯಾರಿ ಬರತಾನ
ನಿನತುರುಬ ಬೇ ಹುಡಿಗಿ ಬಡಿತಾನ
ಕುರವತ್ತಿ ಬಸವಣ್ಣ ಸರವತ್ತು ಬರತಾನ
ಚಂಡೀಗೆ ಲೇ ಹುಡುಗಿ ಜಡಿತಾನ ||೪||
*****
