ನಿನಗೆಂದು ಕವಿತೆಯನು ಬರೆದೆ
ಸರಿದ ಮಧು ಚಣದ ರಸ ಸುರಿದೆ
ನೀನು ಓದಬೇಕೆಂದು
ಓದಿ ತಿಳಿಯಬೇಕೆಂದು
ತಿಳಿದು ಉಳಿಸಬೇಕೆಂದು
ಉಳಿಸಿ ನಲ್ನುಡಿಯ ಕಳಿಸಬೇಕೆಂದು
ಮನಸಿನಲೆ ಬಗೆದು ಕೊರಗಿನಲಿ
ಮರೆಯಲಾಗದೆ ಬರೆದೆ
ಅದರೊಳಗೆ –
ನಮ್ಮೊಲವಿನ ಕಥೆ
ಸುಖದ ಸಗ್ಗದ ನಗೆ
ಭಾವ ತುಂಬಿದ ವ್ಯಥೆ…..
ಅನುಕಂಪ, ಅನುರಾಗ
ನಿನಗುಂಟೆಂದು
ಭಾವದುಸಿರಿನ ವೇಗ
ನಿನಗೆ ನಂಟೆಂದು
ಬರಿದೆ ಕಲ್ಪಿಸಿ ಬರೆದೆ….
ನಿನಗೆಂದು ಕವಿತೆಯನು ಬರೆದೆ….
ಪ್ರೇಮದ ಒಂದೆ ಮಿಡಿತ,
ನಿನ್ನ ನಾಮದ ಒಂದು ತುಡಿತ
ಅರಿಯದೆ, ಹಿತ-ಮಿತ
ಅರುಹಿದೆ….ಓ! ಎದೆಯಕ್ಷತ
ಅದರೊಳಗೆ –
ಹೇಳಲರಿಯದ ಬಯಕೆಯನು
ಆಳವರಿಯದ ಕೊರತೆಯನು
ಮೇಳವಿಸಿ ಬರೆದೆ…..
*****
ಅವನು ಅವಳನ್ನು ದಿನವೂ ತಪ್ಪದೇ ನೋಡುತ್ತಿದ್ದ. ಅವಳು ಕಾಲೇಜಿಗೆ ಹೋಗುವ ಹೊತ್ತಿಗೆ ಅವಳನ್ನು ಹಿಂಬಾಲಿಸುತ್ತಿದ್ದ. ಕಾಲೇಜು ಬಿಡುವ ಹೊತ್ತಿಗೆ ಗೇಟಿನ ಎದುರು ಕಾದು ನಿಂತು ಮತ್ತೆ ಹಿಂಬಾಲಿಸುತ್ತಿದ್ದ.… Read more…
ಬೇಸಿಗೆಯ ರಜೆ ಬಂತೆಂದರೆ ಅಮ್ಮಂದಿರ ಗೋಳು ಬೇಡ; ಮಕ್ಕಳೆಲ್ಲಾ ಮನೆಯಲ್ಲೇ... ಟೀವಿಯ ಎದುರಿಗೆ ಇಲ್ಲವಾದರೆ ಅಂಗಳದ ಸೀಬೆಮರ ಮತ್ತು ಎತ್ತರವಾದ ಕಾಂಪೌಂಡಿನ ಗೋಡೆಗಳ ಮೇಲೆ.... ಯಾರಾದರೂ ಬಿದ್ದರೆ,… Read more…
ಶ್ರೀನಿವಾಸ ದೇವಸ್ಥಾನದಲ್ಲಿ ಎರಡು ಪ್ರದಕ್ಷಿಣೆ ಹಾಕಿ ಮೂರನೇ ಪ್ರದಕ್ಷಿಣೆಗೆ ಹೊರಡುತ್ತಿದ್ದಂತೆಯೇ, ಯಾರೋ ಹಿಂದಿನಿಂದ "ಕಲ್ಯಾಣಿ," ಎಂದು ಕರೆದಂತಾಯಿತು. ಹಿಂತಿರುಗಿ ನೋಡಿದರೆ ಯಾರೋ ಮಧ್ಯ ವಯಸ್ಸಿನ ಮಹಿಳೆ ಬರುತ್ತಿದ್ದರು.… Read more…
ಎಂದಿನಂತೆ ಬೆಳಿಗ್ಗೆ ಮಾಮೂಲಿ ಸಮಯಕ್ಕೆ ಎಚ್ಚರವಾದರೂ, ಎಂದಿನ ಉಲ್ಲಾಸ ನನ್ನಲ್ಲಿರಲಿಲ್ಲ. ತಿರುಗುತ್ತಿರುವ ಫ್ಯಾನಿನತ್ತ ದೃಷ್ಟಿ ಇಟ್ಟು ಮಲಗಿಕೊಂಡೇ ಆಲೋಚನೆ ಮಾಡುತ್ತಿದ್ದೆ. ನಿನ್ನೆ ತಾನೇ ಸರಕಾರಿ ಕೆಲಸದಿಂದ ನಿವೃತ್ತಿಯಾಗಿ… Read more…
ಶ್ರೀ ಸರಸ್ವತಿ ಕಾಲೇಜಿನ ಪಾಠಪ್ರವಚನಗಳ ಬಗ್ಗೆ ಎರಡನೆ ಮಾತಿಲ್ಲ. ಅತ್ಯಂತ ಉತ್ತಮ ಗುಣಮಟ್ಟದ ಶಿಕ್ಷಣ ವಿದ್ಯಾರ್ಥಿಗಳಿಗೆ ದೊರಕುತ್ತಿತ್ತು. ಆದರೆ ಈ ಕಾಲೇಜಿನ ವಿಶೇಷವೆಂದರೆ ವಿದ್ಯಾರ್ಥಿಗಳ ಮತ್ತು ಉಪನ್ಯಾಸಕರ… Read more…
