ಕೆಳಗೆ ಬಿದ್ದೆಯಾ ಮಗನೆ ಕೆಳಗೆ ಬಿದ್ದೆಯಾ
ಮೇಲೆ ಏಳು ನೀ ತಕ್ಷಣ – ಇಲ್ಲವೆ ನೀನು ಎಲ್ಲರ
ಪಾದ ಧೂಳಿಯೇ ಮರುಕ್ಷಣ //ಪ//
ಮೇಲೆತ್ತುವವರಾರೂ ಇಲ್ಲ
ಬಿದ್ದರೆ ನೀ ಎಲ್ಲರ ತಾಂಬೂಲ
ಬಿದ್ದವ ನೀನೆ ಏಳಲು ಬೇಕು
ಎದ್ದವ ನೀನು ಬಾಳಲು ಬೇಕು
ತಪ್ಪುಗಳು ನಿನ್ನಿಂದಲೆ ಆಗದು
ಇನ್ನೊಬ್ಬರು ಸಹ ಕಾರಣವಹುದು
ಎಲ್ಲರ ನಡುವೆಯೆ ಬದುಕಬೇಕು
ಬದುಕಿಯೆ ಅಲ್ಲವೆ ಜೈಸಬೇಕು
ಬದುಕೆಂದರೆ ಇಲ್ಲಿ ಎಲ್ಲ ಋತುಗಳು
ಎಲ್ಲ ಋತುವಲೂ ಎಲ್ಲ ಲಗ್ನಗಳು
ಲಗ್ನವೆಂದರೆ ಬೇಡವೆ ವಿಘ್ನ
ಮಾವು ಬೇವು ನಮಗಲ್ಲವೆ ಅನ್ನ?
*****