ಕನ್ನಡ ನಲ್ಬರಹ ತಾಣ
ನಿನ್ನ ಧಿಕ್ಕರಿಸಿದ ತರ್ಕಕ್ಕೆ
ಮೊನ್ನೆ ಕಾಲು ಮುರಿಯಿತು
ಬಗ್ಗಿ
ಕೈ ಮುಗಿದು ಹೇಳಿತು
“ನಾ ತುಳಿಯದ ನೆಲವಿದೆ,
ಕುಡಿಯದ ಗಾಳಿ ನೀರು,
ಅರಿಯದ ನೆಲೆ ಇವೆ.
ಅವಕ್ಕೆ
ಬಗೆ ಬಗೆ ಬೆಲೆ, ಬೇರು.
ಅಲ್ಲೆಲ್ಲ ಹೋಗಿ ಬಾ,
ನಿಧಾನ ಆಗಿ ಬಾ,
ಹುಗಿದ ಕೊಪ್ಪರಿಗೆಗಳನ್ನು
ಹಗಲಿಗೆ ತಾ.”
ಸದ್ಯ
ಕೈಕೋಲು ಕೊಲ್ಲುವ ಬಡಿಗೆಯಾಗದ್ದಕ್ಕೆ.
ನಮಿಸಿದೆ.
ಹೆಡಿಗೆ ಹೊತ್ತಾಗಲೇ ನಡಿಗೆ ಕುಂಟಿತ್ತು. ಇರಲಿ
ಎತ್ತಿದ ಹೆಡೆಯಲ್ಲೇ
ರತ್ನದ ಬೆಳಕು ಸಿಕ್ಕು
ಕುಂಟುತ್ತಲೇ ಸುತ್ತುವೆ ಹೆಳವ
ಕಾಣದ ನೆಲವ.
*****
“ವತ್ಸಲಾ……..!” ನಿಟ್ಟುಸುರಿನೊಂದಿಗೆ ಕುಮಾರನು ಆರಾಮ ಕುರ್ಚಿಯ ಮೇಲೆ ದೊಪ್ಪನೆ ಬಿದ್ದು ಕೊಂಡನು. ಚಿಕ್ಕಬಾಲಕನೊಬ್ಬನು ಕಿಡಿಕಿಯಲ್ಲಿ ಹಣಿಕಿ ಹಾಕಿ “ಕುಮಾರಣ್ಣ” ಎಂದು ಕೂಗಿದಂತಾಯಿತು. ಎದ್ದು ನೋಡುತ್ತಾನೆ; ಕೆಂಪು ಮಸಿಯಿಂದ ವಿಳಾಸ ಬರೆದ...
ಸಿಗರೆಟ್ನ್ನು ಕೊನೆಯ ಸಲ ಎಳೆದು ಬದಿಗಿದ್ದ ಅಶ್ಟ್ರೆಯಲ್ಲಿ ಹಾಕಿದ. ಮೂರು ದಿನಗಳಿಂದ ಹೇಳಲಾಗದಂತಹ ಯಾತನೆ ಅವನನ್ನು ಹಿಂತಿಸುತ್ತಿದೆ. ಇದ್ದಿದ್ದು ಮಿತ್ರನ ಮಾತುಗಳು ಬಂದು ಕಿವಿಗೆ ಅಪ್ಪಳಿಸಿ ಎತ್ತ ನೋಡಿದರೂ ಅವನದೆ ಮುಖ ಕಾಣುತ್ತಿದೆ. “ನಾ ಹೇಳುವದನ್ನು ಅರ್ಥಮಾಡಿ ಕೊಳ್ಳು...
