ಕೆಲ ಗಂಡಸರೇ, ನೀವುಗಳೆಲ್ಲ
ಗಂಭೀರವಾಗಿ ಯೋಚಿಸಿ
ಉಂಡಾಡಿ ಗುಂಡರಂತಾಗದೆ
ಗಾಂಭೀರ್ಯತೆ ಉಳಿಸಿಕೊಳ್ಳಿ
ಎಲ್ಲೆಂದರಲ್ಲಿ ಗಲ್ಲಿ ಗಲ್ಲಿಗಳಲ್ಲಿ
ಸಿಕ್ಕ ಸಿಕ್ಕ ಹೆಂಗಸರ ಮುತ್ತಿಕ್ಕಿ
ಮೆಟ್ಟಿನೇಟಿಗೆ ಗುರಿಯಾಗದಿರಿ
ಮಚ್ಚಿನೇಟಿಗೆ ಬಲಿಯಾಗದಿರಿ
ಅತ್ಯಾಚಾರ ಮಾಡಿ ನೀವು
ನೇಣು ಪಾಲಾಗದಿರಿ
ತಂದೆ ತಾಯಿ ಮನೆಯವರ ಮಾನ
ಬೀದಿಯಲಿ ಮಾರದಿರಿ
ಕರುಣೆಯ ತೋರುವವರಾರಿಲ್ಲ
ನಿನ್ನ ಹೇಯ ಕೃತ್ಯವ ಕಂಡು
ಅಬಲೆಯಾದರೂ ಅವಳು ಆ ಕ್ಷಣಕೆ
ಸಬಲತೆಯ ಪಡೆಯುವುದು ನಂತರ ಪ್ರಕರಣ
ಕ್ಷಣಿಕ ಸುಖದ ಅಮಲು
ಕ್ಷೀಣಿಸುವುದು ನಿಮ್ಮಯ ಬದುಕು
ಒಪ್ಪಿ ಜೊತೆಗೆ ಬಂದರೂ ಹೆಣ್ಣು
ಎಚ್ಚೆತ್ತುಕೊಂಡು ಮುನ್ನಡೆಯಬೇಕಿನ್ನು
ಸುಖಮಯ ಜೀವನ ನಿನ್ನದಾಗಲು
ಅನ್ಯ ಹೆಣ್ಣುಗಳಿಗೆ ಕಣ್ಣು ಹಾಕದಿರು
ಮಡದಿಯ ಜೊತೆಗೆ ಮಮತೆಯಿಂದಿರು
ಸುಖದ ಸಂಸಾರದ ದೀಪ ನೀನಾಗು
*****
