ಅವತಾರ

ಮುಕ್ಕಣ್ಣಶೆಟ್ಟಿ ದಯವಿಟ್ಟು ಕೊಟ್ಟ ಅಕ್ಕಿಯಲ್ಲಿ
ಚಿಕ್ಕ ಚಿಕ್ಕ ಸಹಸ್ರ ಲಿಂಗಗಳು;
ಅಕ್ಕಿಯಷ್ಟೆ ಬಿಳಿ
ಉಕ್ಕಿನಷ್ಟು ಭಾರ
ಬಿಕ್ಕಿದರೆ ಹೇಗೆ ಚಿಕ್ಕ ಆಲಿಕಲ್ಲನ್ನು ಮುಗಿಲು
ಹಾಗೆ
ಮಣಿಹರಳು!

ಶೆಟ್ಟಿ ಶಿವಭಕ್ತ
ಜೊತೆಗೆ ಕವಿರಕ್ತ
ಈಗ ಸರ್ಕಾರವೂ ಕುಲುಕಿ ಅವನ ಶುಭಹಸ್ತ
ಕೂಲಿಹುಡುಗನ ಕಣ್ಣ ಹನಿಗಿಂತ ಕಿರಿದಾಗಿ
ಸಾಯುವವನ ಕಡ್ಡಿದನಿಗಿಂತ ತೆಳುವಾಗಿ
ನಯವಾಗಿ
ದಯವಾಗಿ
ಪ್ರಜಾಪ್ರಭುತ್ವಕ್ಕೇ ಜಯವಾಗಿ

ಫಳ ಫಳ ಹೊಳೆಯುವ
ಕೊಯಮತ್ತೂರು ಸಣ್ಣದಲ್ಲೂ
ಮಿಣ್ಣಗೆ
ಥಣ್ಣಗೆ
ಮನುನಿರ್‍ಮಿತ ಎಂಬಷ್ಟು ನುಣ್ಣಗೆ
ಕಣ್ಣಿಗೇ ಕಾಣದ
ಸಣ್ಣ ಶಿಲೆಗಳು.

ಆಹಾರದಲ್ಲೂ ದೇವರು ದಯಮಾಡಿದ್ದು ಕಂಡು
ಕಣ್ಣಲ್ಲಿ ನೀರು ಬಂತು,
ಅನ್ನಮಾರ್ಗದಲ್ಲೂ ಹಾಯುವ ಅವನ ಸೂಕ್ಷ್ಮಕ್ಕೆ
ಮೈ ಜುಮ್ಮೆಂದಿತು.
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಸತ್ಯ
Next post ನಿನ್ನ ನೆನಪು

ಸಣ್ಣ ಕತೆ

  • ಮೇಷ್ಟ್ರು ಮುನಿಸಾಮಿ

    ಪ್ರಕರಣ ೮ ಮಾರನೆಯ ದಿನ ಬೆಳಗ್ಗೆ ರಂಗಣ್ಣನು, ‘ಶಂಕರಪ್ಪ ! ನೀವೂ ಗೋಪಾಲ ಇಬ್ಬರೂ ನೆಟ್ಟಗೆ ಜನಾರ್ದನಪುರಕ್ಕೆ ಹಿಂದಿರುಗಿ ಹೋಗಿ, ನನ್ನ ಸಾಮಾನುಗಳನ್ನೆಲ್ಲ ಜೋಕೆಯಿಂದ ತೆಗೆದುಕೊಂಡು ಹೋಗಿ.… Read more…

  • ಅವರು ನಮ್ಮವರಲ್ಲ

    ಪೇದೆ ಪ್ರಭಾಕರ ಫೈಲುಗಳನ್ನು ನನ್ನ ಟೇಬಲ್ ಮೇಲೆ ಇಟ್ಟು, ‘ಸರ್ ಸಾಹೇಬರು ನಿಮ್ಮನ್ನು ಕರೆಯುತ್ತಿದ್ದಾರೆ’ ಎಂದು ಹೇಳಿ ಮಾಮೂಲಿನಂತೆ ಹೊರಟು ಹೋದ. ಸಮಯ ನೋಡಿದೆ. ೧೦:೩೦ ಗಂಟೆ.… Read more…

  • ನಿರೀಕ್ಷೆ

    ಆ ಹಣ್ಣು ಮುದುಕ ಎಲ್ಲಿಂದ ಬರುತ್ತಾನೆ, ಎಲ್ಲಿಗೆ ಹೋಗುತ್ತಾನೆ ಎಂದು ಯಾರಿಗೂ ತಿಳಿಯದು. ಆದರೆ ಎಲ್ಲರೂ ಅವನನ್ನು ಕಲ್ಲು ಬೆಂಚಿನ ಮುದುಕ ಎಂದೇ ಕರೆಯುತ್ತಾರೆ. ಪ್ರೈಮರಿ ಶಾಲೆಯ… Read more…

  • ಬ್ರಿಟನ್ ದಂಪತಿಗಳ ಪ್ರೇಮ ದಾಖಲೆ

    ಫ್ರಾಂಕ್ ಆಗ ಇನ್ನು ಹದಿನಾಲ್ಕು ವರ್ಷದ ಹುಡುಗ ತೆಳ್ಳಗೆ ಬೆಳ್ಳಗೆ ಇದ್ದು, ಕರಿಯ ಬಣ್ಣದ ದಟ್ಟ ಕೂದಲಿನ ಬ್ರಿಟಿಷ್ ಬಾಲಕ. ಹೈಸ್ಕೂಲಿನಲ್ಲಿ ಓದುತ್ತಿದ್ದ ಫ್ರಾಂಕ್‌ಗೆ ಕಾಲ್ಚೆಂಡು ಆಟ… Read more…

  • ಸ್ನೇಹಲತಾ

    ೧೫-೯-೧೯.. ಈಗ ಮನಸ್ಸಿಗೆ ನೆಮ್ಮದಿಯೆನಿಸುತ್ತಿದೆ. ಇಂದಿನಿಂದ ಮತ್ತೆ ನನ್ನ ದಿನಚರಿ ಬರೆಯುವ ಕಾರ್ಯಕ್ರಮವನ್ನು ಆರಂಭಿಸಬೇಕು. ದಿನಚರಿಯೆ ನನ್ನ ಸಹಧರ್ಮಿಣಿ; ನನ್ನ ಸಹ-ಸಂಚಾರಿ; ಅದೆ ನನಗೆ ಸಂತಸ ಕೊಡುವುದು.… Read more…