ಯಾವುದು ಅಸಲಿ ಯಾವುದು ನಕಲಿ
ಅತುಲತ್ ಮುದಲಿ ಅತುಲತ್ ಮುದಲಿ
ಗುಡುಗಿತು ಕಾಡು ನಡುಗಿತು ನಾಡು
ಉರುಳಿತು ಒಂದೊಂದೇ ಮನೆ ಮಾಡು
ಇಲಿಯೋ ಹುಲಿಯೋ ಹುಡುಕಿಸಿ ನೋಡು
ಯಾವುದು ಅಸಲಿ ಯಾವುದು ನಕಲಿ
ಅತುಲತ್ ಮುದಲಿ ಅತುಲತ್ ಮುದಲಿ
ಅವಲೋಕಿತೇಶ್ವರನಿಂದ ಕಲಿ!
ತ್ರಿಂಕೊಮಲಿಯಲಿ ಹೆಣಗಳು ಬಿದ್ದು
ಅನುರಾಧಾಪುರದಲಿ ಅವು ಎದ್ದು
ನಡೆಯುವ ಸದ್ದು ಕುಣಿಯುವ ಸದ್ದು
ಯಾವುದು ಅಸಲಿ ಯಾವುದು ನಕಲಿ
ಅತುಲತ್ ಮುದಲಿ ಅತುಲತ್ ಮುದಲಿ
ಅವಲೋಕಿತೇಶ್ವರನಿಂದ ಕಲಿ!
ಕಡಲಿಗೆ ಹೋದವರು ಬರಲೇ ಇಲ್ಲ
ನೆರೆಮನೆ ಹುಡುಗನ ಪತ್ತೆಯ ಇಲ್ಲ
ಬುದ್ಧದೇವನೆ ಬಲ್ಲ ಇದೆಲ್ಲ
ಯಾವುದು ಅಸಲಿ ಯಾವುದು ನಕಲಿ
ಅತುಲತ್ ಮಲದಲಿ ಅತುಲತ್ ಮುದಲಿ
ಅವಲೊಕಿತೇಶ್ವೆರನಿಂದ ಕಲಿ!
*****