ಎಲ್ಲರಿಗೂ ನಮಸ್ಕಾರ
ಜನರ ಪೂರ್ತಿ ಸಹಕಾರ
ಇದ್ದರೇನೆ ಆಗೋದಪೋ
ಈ ದೇಶದ ಉದ್ಧಾರ
ಎಂಥ ಸರಕಾರ! ಎಂಥ ಸರಕಾರ!
ಬಂಗಾರದಂಥ ಸರಕಾರ!
ಪ್ರತಿ ಊರಿಗೂ ಸರೋವರ
ಬೆಳೆದ ಹೆಣ್ಣಿಗೆ ವರ
ತಲಿ ಮೇಲೆ ಸೂರು ವಸೀ
ಹೊದಿಯೋದಕ್ಕೆ ಛದ್ದರ
ಎಂಥ ಸರಕಾರ! ಎಂಥ ಸರಕಾರ!
ಬಂಗಾರದಂಥ ಸರಕಾರ!
ವಿರೊಧಿಗಳಿಗೆ ಬಹಿಷ್ಕಾರ
ಸಾಗೋದಿದೆ ಬಹು ದೂರ
ನಿಮ್ಮ ಮೇಲೆ ನಡೆಸೋದಪೋ
ನೀವಿತ್ತಿರೋ ಅಧಿಕಾರ
ಎಂಥ ಸರಕಾರ! ಎಂಥ ಸರಕಾರ!
ಬಂಗಾರದಂಥ ಸರಕಾರ!
ಬೇಡ್ರೀ ನಮಗೆ ಹೂ ಹಾರ
ಬರೀ ಮಾತಿನ ಪುರಸ್ಕಾರ
ಕೊಡೋದಾದ್ರೆ ಕೊಡ್ರಪೋ
ನಿಮ್ಮಲ್ಲಿರೋ ಬಂಗಾರ
ಎಂಥ ಸರಕಾರ! ಎಂಥ ಸರಕಾರ!
ಬಂಗಾರದಂಥ ಸರಕಾರ!
*****
