ಸಣ್ಣತನವ ನೀಗಿ

ನೀಗಿ… ನೀಗಿ… ನೀಗಿ…
ನನ್ನ ನೀನು, ನಿನ್ನ ನಾನು
ಕಂಡರಾಗದಂತ
ಸಣ್ಣತನವ ನೀಗಿ.

ನಿನ್ನ ಕೈಯ ನಾನು ಹಿಡಿವೆ
ನೀನು ಹಿಡಿ ಇನ್ನೊಬ್ಬರ
ಹೀಗೆ ಮುಂದೆ ಸಾಗುವ
ಬದುಕಿನಲ್ಲಿ ಪ್ರೀತಿ ಕಾಣುವ.

ಏನೇ ಎಡರು ತೊಡರು ಬರಲಿ
ಕೂಡಿ ಬದುಕುವ
ನನ್ನ ನಿನ್ನ ಬುದ್ಧಿ ಶಕ್ತಿ ಒಳ್ಳೆ ರೀತಿ ಬಳಸಿ
ಪರಿಹಾರ ಕಂಡುಕೊಳ್ಳುವ.

ನೀನು ದುಡಿ, ನಾನು ದುಡಿವೆ
ಕೂಡಿ ಉಣ್ಣುವ
ನಗುವ, ನಲಿವ
ನ್ಯಾಯ ರೀತಿ ಬಾಳುವ.

ನನ್ನ ನೀನು, ನಿನ್ನ ನಾನು ಗೌರವಿಸಿ
ಬಣ್ಣ, ಬಗೆ, ದೇಶ, ಭಾಷೆ ಯಾವುದೂ
ನಮ್ಮ ಸರಸ ಬದುಕಿಗೆ
ಅಡ್ಡವಾಗದಂತೆ ನೋಡಿಕೊಳ್ಳುವ.

ಎಂತ ವೇಳೆ ಬಂದರೂ
ನನ್ನ ಮೇಲೆ ನೀನು, ನಿನ್ನ ಮೇಲೆ ನಾನು
ಕೈಯ ಮಾಡದಿರುವ
ಅಸಹನೆಯ ಹೇಯ ಬೇರು ಕಿತ್ತು ಹಾಕುವ.

ನಾನು ನೀನು ಯಾರೇ ಆಗಲಿ
ಬದುಕಲೆಂದೆ ಬಂದವರು
ಯಾರೂ ಯಾರ ಬದುಕನು
ಕಿತ್ತುಕೊಳ್ಳಬಾರದು.

ಕಲಹವೆಂದೂ ನಗು ನಲಿವು ತಂದುದಿಲ್ಲ
ಎಂದೆಂದಿಗೂ ಅದು ಒಂದು
ಯಾರಿಗೂ… ಯಾವುದಕ್ಕೂ
ಪರಿಹಾರವಲ್ಲ; ಅವಿವೇಕ ಸಲ್ಲ!
*****

ಕೀಲಿಕರಣ : ಎಂ ಎನ್ ಎಸ್ ರಾವ್

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಬೆಂಕಿ ಬಿದ್ದ ಬಯಲು
Next post ಪರಿಶೀಲಿಸಲೀ ಸಾವಯವದರ್ಥ ವೈಶಾಲ್ಯ ತಿಳಿಯದೇ?

ಸಣ್ಣ ಕತೆ

  • ಗುಲ್ಬಾಯಿ

    ನಮ್ಮ ಪರಮಮಿತ್ರರಾದ ಗುಂಡೇರಾವ ಇವರ ನೇತ್ರರೋಗದ ಚಿಕಿತ್ಸೆ ಗಾಗಿ ನಾವು ಮೂವರು ಮಿರ್ಜಿಯಲ್ಲಿರುವ ಡಾಕ್ಟರ ವಾಲ್ನೆಸ್ ಇವರ ಔಷಧಾಲಯಕ್ಕೆ ಬಂದಿದ್ದೆವು. ಗುಂಡೇರಾಯರು ಹಗಲಿರುಳು ಔಷಧಾಲಯದಲ್ಲಿಯೇ ಇರಬೇಕಾಗಿರುವದರಿಂದ ಆ… Read more…

  • ಕರಾಚಿ ಕಾರಣೋರು

    ಮಳೆಗಾಲ ಆರಂಭವಾಯಿತೆಂದರೆ ಕುಂಞಿಕಣ್ಣ ಕುರುಪ್ಪನ ಏಣೆಲು ಗದ್ದೆಗೆ ನೇಜಿ ಕೆಲಸಕ್ಕೆ ಹೋಗಲು ಕಪಿಲಳ್ಳಿಯ ಹೆಂಗಸರು, ಗಂಡಸರು ತುದಿಗಾಲಲ್ಲಿ ಕಾಯುತ್ತಿರುತ್ತಾರೆ. ವರ್ಷವಿಡೀ ವಿಪ್ರರ ಮತ್ತು ವಿಪ್ರಾತಿವಿಪ್ರರ ಆಡಿಕೆ ತೋಟಗಳಲ್ಲಿ… Read more…

  • ಯಾರು ಹೊಣೆ?

    "ಧಡ್....... ಧಡಲ್........ ಧಡಕ್" ಗಾಡಿ ನಿಂತಿತು. ಹೊರಗೆ ಮೋರೆಹಾಕಿ ನೋಡಿದೆ. ಕತ್ತಲು ಕವಿದಿತ್ತು. ಚುಕ್ಕೆಗಳು ಪಕಪಕ ಕಣ್ಣು ಬಿಡುತ್ತಿದ್ದವು. ಮೂಡಲ ಗಾಳಿ "ಸಿಳ್" ಎಂದು ಬೀಸುತ್ತಿತ್ತು. ನಾನು… Read more…

  • ಸ್ವಯಂಪ್ರಕಾಶ

    ಇಸ್ತ್ರೀ ಇಲ್ಲದ ಸೀರೆ, ಬಾಚದ ತಲೆ... ಕೈಯಲ್ಲಿ ಚೀಲದ ತುಂಬ ತರ್ಕಾರಿಗಳೊಂದಿಗೆ ಮಾರುಕಟ್ಟೆಯಿಂದ ಹೊರಗೆ ಬರುವುದು ಭ್ರಮರೆ’ಯೇ... ಕಂಡು ತುಂಬಾ ಆಶ್ಚರ್ಯವಾಯಿತು. ರೋಡಿನ ಈ ಕಡೆ ಕಾರು… Read more…

  • ಜಂಬದ ಕೋಳಿ

    ಪ್ರಕರಣ ೩ ಜನಾರ್ದನ ಪುರದ ಹಳೆಯ ಇನ್ಸ್‍ಪೆಕ್ಟರಿಗೆ ಮೇಷ್ಟರುಗಳೆಲ್ಲ ಬೀಳ್ಕೊಡುವ ಔತಣವನ್ನು ಏರ್ಪಾಟು ಮಾಡಿದ್ದಾರೆ. ಹಳೆಯ ಇನ್‍ಸ್ಪೆಕ್ಟರು ಒಂದು ಸಾಮಾನ್ಯ ಪಂಚೆಯನ್ನು ಉಟ್ಟು ಕೊಂಡು, ಒಂದು ಚೆಕ್ಕು… Read more…