ಕನ್ನಡ ನಲ್ಬರಹ ತಾಣ
ಬಾರೆ ನೀರೆ ತಾರೆ ತಂಗಿ
ಚಂಚಂದುಂಡಿ ಕಟ್ಟೋಣ
ಚಂದಾ ಮಾಮಾ ಪಂಚ್ಮೀ ಮಾಮಾ
ಆತ್ಮಾರಾಮಾರಾಗೋಣ ||
ತುರುಬಾ ತುಂಬಾ ತುಂಬೀ ಹೂವಾ
ತೌರಿಗೆ ತುಂಬಿ ಬಾರವ್ವಾ
ಪಂಚ್ಮೀ ಹಬ್ಬಾ ಬಂತೌ ತಂಗಿ
ಬ್ಯಾಸರ ಸಾಕೌ ಬಾರವ್ವಾ ||
ನಾಗರಹಾವು ನಾಗರ ನಾವು
ಸಕ್ಕರೆ ಪಾಕಾ ಆಗೋಣ
ದುಂದುಂಡಾಗಿ ಕಂಕಂಪಾಗಿ
ಬೇಸನ್ನುಂಡಿ ಕಟ್ಟೋಣ
ಹಾವಿಗೆ ಹಾವು ಬುಸುಬುಸು ಬೇಡಾ
ತಂಬಿಗಿ ಹಾಲು ಎರಿಯೋಣ
ಹಾವು ಹೋಗಿ ಗೋವು ಆಗಿ
ಜೋಕಾಲ್ಜೀಕಿ ಆಡೋಣ ||
ಸಾಕೌ ಸಂತಿ ಬೇಡೌ ಚಿಂತಿ
ಅಪ್ಪನ ಅಂಗ್ಳಾ ತುಂಬೋಣ
ತೂಗಿ ತೂಗಿ ಜೋಕಾಲ್ತೂಗಿ
ಚಿತ್ತಿನ ಮಂಗ್ಳಾ ಮಾಡೋಣ
*****
“ವತ್ಸಲಾ……..!” ನಿಟ್ಟುಸುರಿನೊಂದಿಗೆ ಕುಮಾರನು ಆರಾಮ ಕುರ್ಚಿಯ ಮೇಲೆ ದೊಪ್ಪನೆ ಬಿದ್ದು ಕೊಂಡನು. ಚಿಕ್ಕಬಾಲಕನೊಬ್ಬನು ಕಿಡಿಕಿಯಲ್ಲಿ ಹಣಿಕಿ ಹಾಕಿ “ಕುಮಾರಣ್ಣ” ಎಂದು ಕೂಗಿದಂತಾಯಿತು. ಎದ್ದು ನೋಡುತ್ತಾನೆ; ಕೆಂಪು ಮಸಿಯಿಂದ ವಿಳಾಸ ಬರೆದ...
ಸಿಗರೆಟ್ನ್ನು ಕೊನೆಯ ಸಲ ಎಳೆದು ಬದಿಗಿದ್ದ ಅಶ್ಟ್ರೆಯಲ್ಲಿ ಹಾಕಿದ. ಮೂರು ದಿನಗಳಿಂದ ಹೇಳಲಾಗದಂತಹ ಯಾತನೆ ಅವನನ್ನು ಹಿಂತಿಸುತ್ತಿದೆ. ಇದ್ದಿದ್ದು ಮಿತ್ರನ ಮಾತುಗಳು ಬಂದು ಕಿವಿಗೆ ಅಪ್ಪಳಿಸಿ ಎತ್ತ ನೋಡಿದರೂ ಅವನದೆ ಮುಖ ಕಾಣುತ್ತಿದೆ. “ನಾ ಹೇಳುವದನ್ನು ಅರ್ಥಮಾಡಿ ಕೊಳ್ಳು...
