ಮಿನುಗು ದೀಪ – ಚಿಲುಮೆ

ನೆರಳು

ನನ್ನೊಡನೆ ಹುಟ್ಟಿ ನನ್ನೊಡನೆ ಸಾಯುವೆ ಹೇ! ನನ್ನ ಒಡನಾಡಿ! ನನ್ನ ಒಳನಾಡಿ ಬಡಿತವನು ನೀ ಕೇಳಲಾರೆ ಏನು? *****

ನನ್ನ ನಿನ್ನ ಮಧ್ಯೆ ಗಾಜಿನ ಗೋಡೆ ನೀ ಕಣ್ಣ ತುಂಬಿದರು ತೋಳು ಬರಿದು ನೀ ಭಾವ ತುಂಬಿದರು ಹೃದಯ ಬರಿದು *****

ನನ್ನ ಜೀವದ ಹಾವಭಾವಗಳು ಬಡಿತ ಬಿರುಕಿನಲಿ ಹೋಳು ಹೋಳಾಗುವುದು ನನ್ನದೊಂದು ಗಾಜಿನ ಹೃದಯ *****

ಹುಟ್ಟಿನಿಂದ ಸಾವಿಗೆ ಡಿಪಾರ್‌ಚರ್‍ ಸಾವಿನಿಂದ ಹುಟ್ಟಿಗೆ ಅರೈವಲ್ ಬದುಕೊಂದು ವಿಮಾನ ನಿಲ್ದಾಣ ಅನಂತ ಪಯಣಿಗರು ನಾವು ವಿಮಾನ ಪಯಣದಲ್ಲಿ *****

ಈ ಹುಡುಗರೇ ಹೀಗೆ ಹುಡುಗಿಯರ ನೋಡಿ ಗುಡುಗುತ್ತಾರೆ ಮದುವೆಯಾದ ಮೇಲೆ ಅವರೇ ನಡುಗುತ್ತಾರೆ *****

ಆಕಾಶ ಭೂಮಿ ಮಹದ್ ಕಾವ್ಯ ಮರವೃಕ್ಷ ಸಕಲ ವೇದ ಗಿಡಬಳ್ಳಿ ಸರಳ ರಗಳೆ ಪೊದೆಕಳ್ಳಿ ಕಥೆ ಕಾದಂಬರಿ ನದಿನಾಲೆ ಪ್ರವಾಸ ಕಥನ ಸರೋವರ ಚಿಲುಮೆ ಭಾವಗೀತೆ ಸಾಗರ […]

ಎಲ್ಲರಿಗೂ ಅನಿಸಿದ್ದು ಅದು ನಮ್ಮಿಬ್ಬರ ಮೊದಲ ರಾತ್ರಿ! ಆದರೆ ನಮಗದು ಕನಸು ನನಸಾದ ಬೆಚ್ಚಗಿನ ಹಗಲು!! *****

ಗಾಣಕ್ಕೆ ಕಬ್ಬಿನ ಹಾಗೆ ಕಾವ್ಯಕ್ಕೆ ಅಕ್ಷರದ ಹಾಗೆ ಇರಬೇಕು ಹನಿಗವನ! *****

ರೋಡಿನ ದೀಪಗಳು ಆರಿದಾಗ ಚಂದ್ರ ಒಡನೆ ರಸ್ತೆಯಲಿ ಕೈ ಕುಲಿಕಿ ಬಂದ! *****

ನನ್ನ ಬದುಕಿನ ಜಟಕಾಬಂಡಿಯ ಚಕ್ರ ಉರುಳುತ್ತಿದೆ ಇಹದಲ್ಲಿ ಸಿಕ್ಕದ ‘ಪರ’ದ ವಿಳಾಸಕ್ಕಾಗಿ *****