ನಿನ್ನ ಬರುವಿಕೆಗಾಗಿ ಕುಳಿತಿರುವೆ
ಏಕಾಂಗಿಯಾಗಿ ನೀಲಬಾನತುಂಬ
ಹಳದಿ ಹರಡಿ ದಕ್ಕಲಾಗದ ಭಾವಗಳ
ಚಿಕ್ಕೆಗಳು ಮೂಡಿದವು.
ಅಂತರಾಳ ತೆರೆದುಕೊಳ್ಳುವುದಿಲ್ಲ
ಸುಲಭದಲಿ ಎರಡು ಮನೆಗಳ
ಬಾಗಿಲುದಾಟಿ ಸಪ್ನಗಳು ದಿಕ್ಕೀ
ಹೊಡೆಯುವ ಕ್ಷಣ ಚಂದ್ರ ತೇಲಿದ.
ಹರಡಿ ಹಾಸಿದ ತಲೆಗೂದಲು
ತುಂಬ ಘಮ್ಮೆಂದು ಮಲ್ಲಿಗೆ
ಹೊರಳಿ ಸೂಸಿ ಹಂತ ಹಂತವಾಗಿ
ಮೇಲೇರಿ ಮೌಲ್ಯ ನೀಡಿತು ರಾತ್ರಿ ಪಹರೆಯಲಿ.
ಕಾಲಗೆಜ್ಜೆಯ ಝೇಂಕಾರದಲಿ
ಜೀರುಂಡೆ ಮೀಟಿ ಹಾಡಿದವು
ಬಯಲು ಆಲಯದಲಿ ಅವನ
ಹೆಜ್ಜೆಯ ಸಪ್ಪಳಕೆ ಕಾಯಿತು ಮನ ಅಂತಃಕರಣದಲಿ.
ಬಂದು ಒಮ್ಮೆ ತಬ್ಬಿ ಸಿಂಚನ ದೃಶ್ಯ
ಮಾಹಿತ ಕಂಪನಕಾದಿರುವ ಪ್ರಿಯಕರ
ಬೆಳದಿಂಗಳ ತಂಪು ಹೊತ್ತು ಬಂದಂತೆ
ಜಗಕ್ಕೆಲ್ಲಾ ಮಧುರ ಮಿಲನದ ಹುಣ್ಣಿಮೆ.
*****
