ಬುದ್ವಾದ

ಕಾಸಿಗ್ ಕಾಸ್ ಗಂಟಾಕಿ
ಒಟ್ಟೆಗ್ ಬೆನ್ ಅಂಟಾಕಿ
’ನಾನೂ ಒಬ್ ಸೆಟ್ಟಿ
ದುಡ್ಡೈತೆ ಗಟ್ಟಿ’
ಅಂತಂತಿ ಮುನ್ಯ!
ಚಂದಾನ ಮುನ್ಯ? ೧

ಯೆಚ್ಚ್ ಅಳತೆ ಕೊಡವಲ್ಲೆ!
ಬಿಡಕಾಸೂ ಬಿಡವಲ್ಲೆ!
ನೀನೂ ತಿನ್ವಲ್ಲೆ!
‘ಕೋ’ ಅಂತನ್ವೊಲ್ಲೆ!
ಚಂದಾನ ಮುನ್ಯ?
ನೀನೇ ಯೋಳ್ ಮುನ್ಯ! ೨

ಯಿಂಗೆಲ್ಲ ಗಂಟ್ಮಾಡಿ
ತೈಲ್ ತೈಲಿ ದುಡ್ಮಾಡಿ
ನೀ ಸತ್ರೆ ನಿಂಗೆ
ಸುಡಗಾಡೆ ಕೊನ್ಗೆ!
ಸಾಸ್ವತವ ನೀನು?
ಬುಟ್ಟೀಗ್ ಬಿದ್ ಮೀನು! ೩

ಸುಂಸುಂಕೆ ಒದ್ದಾಡ್ತಿ
ಮೂರೊತ್ತೂ ದುಡ್ಮಾಡಿ
ಅನಭೋಸ್ದೆ ಸಾಯ್ತಿ!
ನಿಂಗೇನ್ ಕಿಪಾಯ್ತಿ?
ಬಿಡಕಾಸ್ಗೆ ನಡಗು!
ಮಕ್ಕಳ್ಗೆ ಮಡಗು! ೪

ನಿನ್ ಮಕ್ಕಳ್ ಜೂಜಾಡಿ
ದುಡ್ನೆಲ್ಲ ಪೋಲ್ಮಾಡಿ
ಪಡಕಾನೇಗ್ ತೆತ್ರೆ
ಸೂಳೆಮನೆಗ್ ಒತ್ರೆ
ನಿಂಗೇನ್ ಬತ್ ಮುನ್ಯ?
ಸತ್ ಮೇಲೆ ಸೂನ್ಯ! ೫

ಅದ್ರಿಂದ ಕೇಳ್ದಂಗೆ
ಯೆಂಡ ಬಿಟ್ ಯೋಳ್ದಂಗೆ
ಕೇಳಿದ್ರೆ ನೋಡು-
ಇಲ್ಲಾಂತ್ ಅನಬೇಡ-
ನೀನಾಗ್ತಿ ಮುನ್ಯ
ಜಗದೊಳ್ಗೆ ಮಾನ್ಯ! ೬
*****