ತಪ್ಪು – ಸರಿಗಳ ಮಧ್ಯೆ

ಬಿಳಿರಂಗೇ
ನಿನ್ನ ಸುಮ್ಮನೆ ಕಾಡುವ
ಕಪ್ಪು, ಕೆಂಪು, ಹಸಿರು, ಹಳದಿ, ನೀಲಿ
ಹುಚ್ಚುಚ್ಚು ಗಾಢ
ಬಣ್ಣಗಳದೇನು ತಪ್ಪು?
ಕನಸುಗಳೂ ಇರಲಿ
ವಾಸ್ತವವ ಒಪ್ಪು!

ತಪ್ಪಿರುವುದೆಲ್ಲಿ?
ಬಣ್ಣಗಳ ಅರ್ಥೈಸಲಾಗದ
ನಿನ್ನ ಹುಂಬತನದಲ್ಲೇ?
ತುಂಟ ಬಣ್ಣಗಳೇ
ಬೇಡೆನುವ ನಿರ್ಲಿಪ್ತತೆಯಲ್ಲೇ?
ಬಣ್ಣಗಳೊಳಗು ಅರ್ಥವಾದರೂ
ಅರ್ಥವಾಗದಂತೆ
ನಟಿಸುವ ನಿನ್ನ ಜಾಣತನದಲ್ಲೇ?

ಬಿಳಿರಂಗೇ
ಮಾತು – ನೋಟ
ಸ್ಪರ್ಶದೊತ್ತಡಗಳ ಗಾಢಬಣ್ಣಗಳ
ಕಾಟಕ್ಕೆ ಸೋತು
ಒಡ್ಡುಗಳನೊದ್ದು ಹರಿದುಬಿಡದೇ
ಒಳಗೇ ಬತ್ತುವ
ನಿನ್ನೆದೆಯ ಜೀವನದಿ

ದನಿ ಎತ್ತಿ ಕರೆಯೆದೆಯೂ
ಮೋಡಿಗೊಳಿಸುವ
ಆಪ್ತಗಾನಕ್ಕೆ ಸೋತು
ಗುಪ್ತಗಾಮಿನಿಯಾಗಿ
ನಿಂತಲ್ಲೇ ಏಕೆ ಧುಮ್ಮಿಕ್ಕುತ್ತದೆ?

ಬಿಳಿರಂಗೇ
ಗಾಢಬಣ್ಣಗಳ ಮೇಲೆ
ಸುಮ್ಮನೇತಕೆ ಮುನಿಸು?
ಏಕೆ ಬಣ್ಣಗಳಿಗೆ
ಬುದ್ಧಿ ಕಲಿಸುವ
ಹುಚ್ಚು ಮನಸು?
ಗೆದ್ದರೂ ಸರಿ ಸೋತರೂ ಸರಿ
ಬಣ್ಣಗಳ ಸುಮ್ಮನೆ ಕ್ಷಮಿಸು
ತಪ್ಪು ನಿನ್ನದೂ ಅಲ್ಲ
ಗಾಢ ಬಣ್ಣಗಳದೂ ಅಲ್ಲ
ತಪ್ಪು – ಸರಿಗಳ ಲೆಕ್ಕ ಇಲ್ಲಾರಿಗೂ ಸಿಕ್ಕಿಲ್ಲ
ತಕ್ಕಡಿ ತೂಗಿಯೇ ಇಲ್ಲ!
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ದೇಶವನ್ನು ಶಾಲೆಗೆ ಹಾಕಬೇಕು
Next post ಹೊಡಿಮಗ ಹೊಡಿಮಗ ಬಿಡಬೆಡ ಸಿದ್ದರಾಮನ್ನಾ

ಸಣ್ಣ ಕತೆ

  • ಆವರ್ತನೆ

    ಒಬ್ಬ ಸಾಹಿತಿಯನ್ನು ನೋಡುವ ಕುತೂಹಲ ಯಾರಿಗಿಲ್ಲ? ಪಕ್ಕದೂರಿನ ಹೈಸ್ಕೂಲಿನಲ್ಲಿ ಕಾದಂಬರಿಕಾರ ಅ.ರ.ಸು.ರವರ ಕಾರ್ಯಕ್ರಮವಿದೆಯೆಂಬ ಸುದ್ದಿ ಕೇಳಿ ನಾವು ನೋಡಲು ಹೋದೆವು. ಅ.ರ.ಸು.ರವರ ಕೃತಿಗಳನ್ನು ನಾವಾರೂ ಹೆಚ್ಚಾಗಿ ಓದಿರಲಾರೆವು.… Read more…

  • ಒಲವೆ ನಮ್ಮ ಬದುಕು

    "The best of you is he who behaves best towards the members of his family" (The Holy Prophet) ವಾರದ ಸಂತೆ.… Read more…

  • ಸಾವು

    ಈ ಗೊಂಡಾರಣ್ಯದಲ್ಲಿ ನಾನು ಬಂದುದಾದರೂ ಹೇಗೆ? ಅಗೋ ಅಲ್ಲಿ ಲಾಸ್ಯವಾಗಿ ಬಳುಕುತ್ತಾ ನಲಿಯುತ್ತಾ ತುಂತುರು ತುಂತುರಾಗಿ ಮುತ್ತಿನ ಹನಿಗಳನ್ನು ಪ್ರೋಕ್ಷಿಸುತ್ತಿರುವ ಝರಿಯ ರಮಣೀಯತೆಯನ್ನೂ ಮೀರುವಂತಹ ಭಯಾನಕತೆ ವ್ಯಾಪಿಸಿದೆಯಲ್ಲಾ… Read more…

  • ಪ್ರೇಮನಗರಿಯಲ್ಲಿ ಮದುವೆ

    ಜಾರ್ಜ್, ಎಲೆನಾಳನ್ನು ಸಂಧಿಸಿದಾಗ ಅವಳ ಮನೋಸ್ಥಿತಿ ಬಹಳ ಹದಗೆಟ್ಟಿತ್ತು. ಪಾರ್ಕಿನ ಬೆಂಚಿನ ಮೇಲೆ ತಲೆ ಬಗ್ಗಿಸಿ ಕಣೀರನ್ನು ಒರೆಸಿಕೊಳ್ಳುತ್ತಿದ್ದ ಎಲೆನಾಳನ್ನು ಕಂಡು ಅವರ ಮನಸ್ಸು ಕರಗಿತು. "ಹಾಯ್,… Read more…

  • ರಾಧೆಯ ಸ್ವಗತ

    ಈಗ ಸೃಷ್ಟಿಕರ್ತನ್ನು ದೂಷಿಸುತ್ತಾ ಕಾಲ ಕಳೆಯುತ್ತಿದ್ದೇನೆ ಕೃಷ್ಣಾ. ಹೆಂಗಸರಿಗ್ಯಾಕೆ ಅವರ ಪ್ರಿಯಕರರಿಗಿಂತ ಹೆಚ್ಚು ಆಯುಸ್ಸನ್ನು ಅವನು ಕೊಡುತ್ತಾನೋ? ನೀನು ಹೇಳುತ್ತಿದ್ದುದು ಮತ್ತೆ ಮತ್ತೆ ನೆನಪಾಗುತ್ತಿದೆ: "ರಾಧೆ, ಈ… Read more…