ಯಿಂದ್ ಒಬ್ಬ ಬೌದ್ದ ಸನ್ಯಾಸಿ
ಮರದಡಿ ತನ್ನ ಬಟ್ಟೆ ಆಸಿ
ಕುಂತಿದ್ದ ಪದುಮಾಸನಾಕಿ-
ಕಣ್ ಮುಚ್ಚೋದ್ ಒಂದೇನೆ ಬಾಕಿ! ೧
ಕಾಲಿಗ್ ಔನ್ ಮುಂದಾಗ ತೊದಲು
ಬಂದಂಗೆ ಯೆಣ್ ಒಬ್ಳು ಓದ್ಲು-
ಘಮ್ಮಂತ ವಾಸ್ನೆ ಸುಳದಂಗೆ!
ಫಳ್ಳಂತ ಮಿಂಚು ವೊಳದಂಗೆ! ೨
ತಂಗೆ ಕಣ್ ಮಾಡ್ದೊಳ ಕುರ್‍ತಿ
‘ಚಂದದೀ ದೇದಾಗ ಬರ್‍ತಿ
ಒಲ್ಸೇನೆ!’ ಅಂದಿ ಸನ್ನಾಸಿ
‘ಛೆ’ ಅಂದ ಮನದಾಗ ಯೇಸಿ ೩
‘ಒರಗೀನ್ ಅಲಂಕಾರ ತಳಕು!
ಒಳಗಿನ್ದ ಕಂಡ್ರೇನೆ ಬೆಳಕು!’
ಅಂದಿ ಆ ಬೌದ್ದ ಸನ್ನಾಸಿ
ಯಾರ್‍ತಿದ್ದ ಸತ್ಯಾನ ಸೋಸಿ! ೪
ನಾನೂನೆ ಅಂಗೆ ಸನ್ನಾಸಿ!
ಮೂರೊತ್ತು ಯೆಂಡಾನ ಮೂಸಿ
ಮರ್‍ತ್ ಬುಡ್ತೀನ್ ಬುಂಡೇನ ತುರ್‍ತು!
ಒಳಗೀನ್ ಒಂದ್ ಯೆಂಡೆ ನಂಗ್ ಗುರ್‍ತು? ೫
*****