ಕನ್ನಡ ನಲ್ಬರಹ ತಾಣ
ದೇವಾ ಎನ್ನ ಮನಕ್ಕೆ ರಕ್ಷಿಸು
ಕಾಮಕ್ರೋಧ ಮತ್ಸರಗಳಿಂದ
ದೇವಾ ಎನ್ನ ಮನಕ್ಕೆ ಶಿಕ್ಷಿಸು
ಪುನಃ ಪುನಃ ಮಾಡುವ ತಪ್ಪುಗಳಿಂದ
ಮನದಲಿ ಮೋಹ ಬಾರದಿರಲಿ
ನಿತ್ಯ ಪ್ರಪಾತಕ್ಕೆ ತಳ್ಳುವುದು
ಮನದಲಿ ಸ್ವಾರ್ಥ ಇಣಕದಿರಲಿ
ನಿತ್ಯವೂ ರಕ್ಕಸದಿ ವರ್ತಿಸುವುದು
ಕೆಟ್ಟದನ್ನು ಕೇಳದಂತೆ ಮನವರಳಲಿ
ಪರರ ನಿಂದೆಯನ್ನು ಮಾಡದಿರಲಿ
ಪರೋಪಕಾರಕ್ಕೆ ತಾನು ಮುಂದಾಗಲಿ
ಎಲ್ಲರಲ್ಲೂ ಕಲ್ಯಾಣವನ್ನೆ ಕಾಣಲಿ
ಕ್ಷಣಿಕ ಬಾಳಿನಲಿ ಆಸೆಗಳೇಕೆ!
ಬಿದ್ದು ಹೋಗುವ ದೇಹಕ್ಕೆ ದಂಭವೇಕೆ!
ಶಾಂತಿಗಾಗಿ ಎತ್ತೆತ್ತಸುತ್ತಲೇಕೆ!
ಮಾಣಿಕ್ಯ ವಿಠಲ ಅಂತರದಿ ಕಾಣಬಾರದೇಕೆ!
*****
“ಮಮ್ಮಿ ! ಮಮ್ಮಿ ! ಬೇಗ ಬಾ” “ಅಡಿಗೆ ಮಾಡುತ್ತಾ ಇದ್ದೇನೆ, ಯಾಕೆ ಕಿರಿಚಿಕೊಳ್ಳುತ್ತಾ ಇದ್ದಿಯಾ ರೋಜಿ? ಬರುತ್ತೀನಿ ತಾಳು” ಎಂದಳು ಕೆಲಸದಲ್ಲಿ ನಿರತ ತಾಯಿ. “ಮಮ್ಮಿ! ಒಂದು ನಿಮಿಷ ಬಂದು ನೋಡು, ಕಾಗೆ ಪುಟ್ಟ ಅಳಿಲನ್ನು ಕುಕ್ಕಿ ನೋವು ಮಾಡುತ್ತಾ ...
“ಭಟ್ಟರೇ, ನಿಮಗೆ ಹೇಳಲೊ? ಇಘ್ನೇಶ್ವರರಾಯರು ಅಂದರೆ ನಮ್ಮ ಜಾತಿಗೇ ಭೂಷಣ. ಅವರು ವಕೀಲಿ ಮಾಡಲು ಸುರು ಮಾಡಿದಂದಿನಿಂದ ಬೇರೆ ಜಾತಿಯವರ ಸೊಕ್ಕು ಮುರಿದಿದೆ. ಈಗ ಶೆಟ್ಟಿ ಶಾನಬೋಗರೆಲ್ಲ ಅವರಿಗೆ ರಾಯರೇ ಎಂದು ಸಲಾಮು ಮಾಡುವವರೇ! ನಿಮಗೆ ಹೇಳಲೊ? ಅದು ಒಬ್ಬೊಬ್ಬರ ಜನ್ಮಕುಂಡಲಿ ಇದ್ದ...
