ಕನ್ನಡ ನಲ್ಬರಹ ತಾಣ
ಹಸಿ ಹಸೀ ಇಪ್ಪತ್ತರಲ್ಲಿ
ಸಾವು ಬಲು ದೂರ
ಬದುಕು ಹಗಲಿನ ಬೆಳಕು
ಜೀವ ಜೇನಿನ ಹಾಗೆ
ಹರಿದಷ್ಟೂ ಬತ್ತದ ನದಿಯ
ಓಟ ಜೀವನೋಲ್ಲಾಸ
ಗರಿಗಟ್ಟಿ ಕುಣಿಯುವ ಆಸೆ
ಸೀಮೆ ಆಚೆ ಆಕಾಶ
ನಡುನೆತ್ತಿ ಮೇಲೆ ಕೈ ಕತ್ತಿ
ಝಳಪಿಸುವ ಮಧ್ಯಾಹ್ನ ಸೂರ್ಯ
ಶತ್ರು ಕೋಟಿಯ ಕೋಟೆ ಒಡೆದ ಅಭಿಮನ್ಯು
ಕರಗದು ಕರಿ ಕರಿ ಕೊರಗದು
ಬಾನೊಡಲ ಮೀರುವ ಕಾರ್ಯ
ಧಿಕ್ಕರಿಸಿ ಬದುಕುವ ಹೇಸಿ
ಹೇಡಿಯಾಗದು ಧೈರ್ಯ
ಬಿಸಿ ಬಿಸೀ ಇಪ್ಪತ್ತರಲ್ಲಿ
ಸಾವು ಬಲು ಕ್ರೂರ
ಸಾವು ನಾಳೆಯ ತಾವು
ಸತ್ತರೂ ಬದುಕುವ ಎಂಬ
ಚಿರಂಜೀವಿ ಚೈತನ್ಯ
ಇಂದು ಬದುಕಿಗಾಧಾರ
*****
“ವತ್ಸಲಾ……..!” ನಿಟ್ಟುಸುರಿನೊಂದಿಗೆ ಕುಮಾರನು ಆರಾಮ ಕುರ್ಚಿಯ ಮೇಲೆ ದೊಪ್ಪನೆ ಬಿದ್ದು ಕೊಂಡನು. ಚಿಕ್ಕಬಾಲಕನೊಬ್ಬನು ಕಿಡಿಕಿಯಲ್ಲಿ ಹಣಿಕಿ ಹಾಕಿ “ಕುಮಾರಣ್ಣ” ಎಂದು ಕೂಗಿದಂತಾಯಿತು. ಎದ್ದು ನೋಡುತ್ತಾನೆ; ಕೆಂಪು ಮಸಿಯಿಂದ ವಿಳಾಸ ಬರೆದ...
ಸಿಗರೆಟ್ನ್ನು ಕೊನೆಯ ಸಲ ಎಳೆದು ಬದಿಗಿದ್ದ ಅಶ್ಟ್ರೆಯಲ್ಲಿ ಹಾಕಿದ. ಮೂರು ದಿನಗಳಿಂದ ಹೇಳಲಾಗದಂತಹ ಯಾತನೆ ಅವನನ್ನು ಹಿಂತಿಸುತ್ತಿದೆ. ಇದ್ದಿದ್ದು ಮಿತ್ರನ ಮಾತುಗಳು ಬಂದು ಕಿವಿಗೆ ಅಪ್ಪಳಿಸಿ ಎತ್ತ ನೋಡಿದರೂ ಅವನದೆ ಮುಖ ಕಾಣುತ್ತಿದೆ. “ನಾ ಹೇಳುವದನ್ನು ಅರ್ಥಮಾಡಿ ಕೊಳ್ಳು...
