ಕರುಣೆಯ ಜೊನ್ನವಾಗಿ ತಾ
ಸುರಿವುದು ತುಂಬಲು ಇಳೆಯ ಅಂಗಳ
ಪಾವನಗೊಳಿಸಲೆಂದೇನೆ
ನಿಂತಿದೆ ಮೂರ್ತಿಯು ಪರಮಮಂಗಳ
ಮಳೆಬೆಳೆ ಎಲ್ಲ ಅವನ ದಯೆ
ರವಿಶಶಿ ಎಲ್ಲರು ಅವನ ರೂಪವು
ನಿಲಿಸುವ ನೆತ್ತಿ ವಿಶ್ವವನು
ತಣಿವುದು ಜೀವಿಯ ಘೋರ ತಾಪವು
ದಿವ್ಯನು ಪರಮ ಪುರುಷನವ
ಆತನೆ ನಮ್ಮಯ ಬಾಳಿಗಾಸರ
ಆತನ ಕೃಪೆಯೆ ಕಾಯುವದು
ಎಲ್ಲರ ಯಾತಕೆ ಭಯವು ಬೇಸರ
ಸ್ಥೈರ್ಯವು ಚಿತ್ರದಲ್ಲಿರಲಿ
ಆತನ ಕೃಪೆಯಲಿ ಇರಲಿ ನಂಬಿಗೆ
ತಾಳ್ಮೆಯು ಕೈಯ ಹಿಡಿದಿರಲಿ
ನಲಿದರಳುವದು ಬಾಳ ಸಂಪಿಗೆ
*****