ಈ ನಿರಂಕುಶ ಕ್ರೂರ ಕಾಲನನು ಇದಕಿಂತ

ಈ ನಿರಂಕುಶ ಕ್ರೂರ ಕಾಲನನು ಇದಕಿಂತ
ಧೀರನೆಲೆಯಲಿ ನೀನು ಕಾದದಿರುವುದು ಏಕೆ ?
ನನ್ನ ಈ ಬರಡು ಪದ್ಯಕ್ಕೂ ಮಿಗಿಲಾದಂಥ
ಸಾಧನದ ರಕ್ಷಣೆಯ ಪಡೆಯದಿರುವುದು ಏಕೆ ?
ಜೀವನದ ಸುಖಕ್ಷಣದ ಶಿಖರದಲಿ ನಿಂತಿರುವೆ,
ಮದುವೆಯಾಗದ ಎಷ್ಟೊ ಕನ್ನೆಯುದ್ಯಾನಗಳು
ನಿನ್ನ ಚಿತ್ರಕ್ಕಿಂತ ಘನವಾದ ಜೀವಂತ
ಕುಸುಮಗಳೆ ನಿನಗೆ ತಳೆಯಲು ಕಾಯುತಿರುವುವು.
ನಿನ್ನ ಹೊರ ಚೆಲುವು, ನಿನ್ನಂತರಂಗದ ಕಿರಣ
ನಿನ್ನ ಚಿತ್ರದಲಿ, ಪಳಗದ ನನ್ನ ಪೆನ್ನಲ್ಲಿ
ಬಣ್ಣಿಸಬರದ ಹಾಗೆ ಜೀವದೆಳೆಗಳು ನಿನ್ನ
ಜೀವಂತ ನಿಲಿಸುವುವು ಜನರ ಕಣ್ಣುಗಳಲ್ಲಿ.
ಕೊಡುವ ಕ್ರಿಯೆಯಿಂದಲೇ ನಿನ್ನ ನೀ ಪಡೆಯುವುದು
ನೀ ಬರೆವ ಕುಶಲ ಚಿತ್ತದೊಳೆ ನೀನುಳಿಯುವುದು.
*****
ಮೂಲ: ವಿಲಿಯಂ ಷೇಕ್ಸ್‌ಪಿಯರ್
Sonnet 16
But wherefore do not you a mightier way