ಅಪ್ಪ ಅಪ್ಪ

ಮಗಳು: ಅಪ್ಪ ಅಪ್ಪ ಸ್ಕೂಲಿಗೆ ನಾನೆ
ಫಸ್ಟು ಕಣಪ್ಪ
ಬೇಕಿದ್ದರೆ ನೀ ಪ್ರಶ್ನೆ ಕೇಳು
ಉತ್ತರಿಸುವೆನಪ್ಪ
ನಾ ಉತ್ತರಿಸುವೆನಪ್ಪ
ನೀ ಪ್ರಶ್ನೆ ಕೇಳಪ್ಪ \\ಪಲ್ಲವಿ\\

ತಂದೆ: ಹಾಗೋ? (ಮಾತಿನ ಶೈಲಿಯಲ್ಲಿ)
ಕೋಳಿಯು ಮೊಟ್ಟೆ ಇಡುತ್ತೆ ಯಾಕೆ
ಹೇಳುವೆ ಏನಮ್ಮ?
ಮಗಳು: ಹಾಕಿದರೆ ಅದು ಒಡೆದ್ಹೋಗುತ್ತೆ
ಅದಕ್ಕೆ ಇಡುತ್ತೆ ಅಪ್ಪ
ತಂ: ಗಣೇಶನ ಕತೆಯಿಂದ ನೀನು
ತಿಳಿದೆ ಏನಮ್ಮ?
ಮ: ಸ್ನಾನದ ಕೋಣೆಗೆ ಬಾಗಿಲು ಇರುವುದು
ಅಗತ್ಯ ಇದೆಯಪ್ಪ
ಮಗಳು: ಅಪ್ಪ ಅಪ್ಪ ಸ್ಕೂಲಿಗೆ ನಾನೆ
ಫಸ್ಟು ಕಣಪ್ಪ
ಅದಕ್ಕೆ ಇನ್ನು ಪ್ರಶ್ನೆ ಕೇಳು
ಉತ್ತರಿಸುವೆನಪ್ಪ
ನಾ ಉತ್ತರಿಸುವೆನಪ್ಪ
ನೀ ಪ್ರಶ್ನೆ ಕೇಳಪ್ಪ \\೧\\

ತಂ: ಸರಿ. ಹಾಗಿದ್ರೆ . . . . (ಮಾತಿನ ಶೈಲಿಯಲ್ಲಿ)
ಮಗಳೆ, ಸಾರು ಸಪ್ಪೆಯಾದರೆ
ಹಾಕುವೆ ಏನಮ್ಮ?
ಮ: ಸಾರು ಸಪ್ಪೆಯಾದರೆ ಉಪ್ಪಿಗೆ
ಕೈ ಹಾಕುವೆನಪ್ಪ
ತಂ: ಅಕ್ಬರನು ಸಿಂಹಾಸನ ಏರಿ
ಏನು ಮಾಡಿದನು?
ಮ: ಮಾಡುವುದೇನು? ತಕ್ಷಣ ಅಲ್ಲಿ
ಕುಳಿತುಕೊಂಡನು

ಮ: ಅಪ್ಪ ಅಪ್ಪ ಇನ್ನು ಯಾವುದೆ
ಪ್ರಶ್ನೆ ಕೇಳಪ್ಪ
ಉತ್ತರ ಹೇಳುವ ನನಗಿಲ್ಲದ ಶ್ರಮ
ನಿನಗೆ ಯಾಕಪ್ಪ?
ತಂ: ಮಗಳೆ ಮಗಳೆ ನಿಜಕ್ಕು ನೀನೆ
ಬಹಳ ಬುದ್ಧಿವಂತೆ
ಥಟ್ಟಂತ ಉತ್ತರಿಸುವ ನಿನಗೆ
ಸಾಟಿ ಇಲ್ಲವಂತೆ- ಯಾರೂ
ಸಾಟಿ ಇಲ್ಲವಂತೆ! \\೨\\
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಪ್ರೀತಿ ಎಂದರೆ
Next post ಅಂತರ

ಸಣ್ಣ ಕತೆ

  • ಆವಲಹಳ್ಳಿಯಲ್ಲಿ ಸಭೆ

    ಪ್ರಕರಣ ೯ ಹಿಂದೆಯೇ ನಿಶ್ಚೈಸಿದ್ದಂತೆ ಆವಲಹಳ್ಳಿಯಲ್ಲಿ ಉಪಾಧ್ಯಾಯರ ಸಂಘದ ಸಭೆಯನ್ನು ಸೇರಿಸಲು ಏರ್ಪಾಟು ನಡೆದಿತ್ತು. ರಂಗಣ್ಣನು ಹಿಂದಿನ ದಿನ ಸಾಯಂಕಾಲವೇ ಆವಲಹಳ್ಳಿಗೆ ಬಂದು ಮೊಕ್ಕಾಂ ಮಾಡಿದನು. ಸಭೆಯಲ್ಲಿ… Read more…

  • ತಿಮ್ಮರಾಯಪ್ಪನ ಬುದ್ಧಿವಾದ

    ಪ್ರಕರಣ ೧೧ ಮಾರನೆಯ ದಿನ ತನ್ನ ಮೀಟಂಗ್ ಕೆಲಸವನ್ನು ಮುಗಿಸಿಕೊಂಡು ತಂಗಿಯ ಮನೆಯಲ್ಲಿ ಊಟಮಾಡಿಕೊಂಡು ರಾತ್ರಿ ಎಂಟು ಗಂಟೆಗೆ ತಿಮ್ಮರಾಯಪ್ಪನ ಮನೆಗೆ ರಂಗಣ್ಣ ಹೊರಟನು. ಆ ದಿನ… Read more…

  • ವಲಯ

    ಅವಳ ಕೈ ಬೆರಳುಗಳು ನನ್ನ ಮುಖದ ಮೇಲೆ ಲಯಬದ್ಧವಾಗಿ ಚಲಿಸುತ್ತಿವೆ. ಕಂಗಳ ಮೇಲೆ ಅದೊಂದು ತರಹ ಮಂಪರು ಮೆತ್ತ-ಮೆತ್ತಗೆ ಹಾರಾಡತೊಡಗುತ್ತಿದೆ! ನಾಳೆ ಹೋಗಬೇಕಾದ ‘ಪಾರ್ಟಿ’ ಗೆ ಈಗಾಗಲೇ… Read more…

  • ಕ್ಷಮೆ

    ಸುಂದರರಾಜ್ ಬೆಂಗಳೂರಿನಲ್ಲಿಯೇ ಹುಟ್ಟಿಬೆಳೆದವನು. ಹಾಗಾಗಿ ಅವನು ಕನ್ನಡ ಮಾಧ್ಯಮದಲ್ಲಿಯೇ ವಿಧ್ಯಾಭ್ಯಾಸ ಮಾಡಿ ಮುಂದೆ ಕಾಲೇಜಿನ ದಿನಗಳಲ್ಲಿ ಇಂಗ್ಲೀಷ್ ಮಾಧ್ಯಮದಲ್ಲಿ ಓದಿದ್ದ. ತನ್ನ ಮಾತೃ ಭಾಷೆಯಾದ ತಮಿಳು ಸಾಧಾರಣವಾಗಿ… Read more…

  • ಎರಡು ಪರಿವಾರಗಳು

    ಇದು ಎರಡು ಪರಿವಾರದ ಕತೆ. ಒಂದು ಹಕ್ಕಿ ಪರಿವಾರ, ಇನ್ನೊಂದು ಮನುಷ್ಯ ಪರಿವಾರದ್ದು. ಒಂದು ಸುಂದರ ತೋಟ; ವಿಧವಿಧದ ಗಿಡ ಮರಗಳು; ಅವುಗಳ ಕವಲು ಬಿಟ್ಟ ರೆಂಬೆಗಳಲ್ಲಿ… Read more…