ಮಗುವೊಂದಿದ್ದರೆ

ಮಗುವೊಂದಿದ್ದರೆ ಮನೆಯಲಿ
ಕಿಲಕಿಲ ನಗುವು
ಪುಳಕಿತ ಒಲವು|
ಸಂತಸ ತುಂಬಿದ
ಜೀವನ ನಿತ್ಯವು||

ಮಗುವಿನ ಸಿಹಿಯ
ತೊದಲು ಮಾತುಗಳೇ
ಸಂಗೀತಮಯವು|
ಜಿಂಕೆಯ ಕಣ್ಣು,
ಸಂಪಿಗೆ ಮೂಗು
ಸುಂದರ ಚೆಲುವು
ಅಂದದ ಮೊಗವು|
ಅಳುತಲಿ ನಗುವು
ನಗುತಲಿ ಅಳುವು
ಸುಂದರ ಸುಮಧುರ
ಪ್ರತೀ ಕ್ಷಣ ಕ್ಷಣವು||

ಅಂಬೆಗಾಲು ತರಲು
ಗೆಜ್ಜೆಯ ಗಲಗಲ ಸದ್ದು
ಹೆಬ್ಬೆರಳ ಬಾಯೊಳು
ತೆಗೆಯಲದುವೆ ಜೊಲ್ಲು|
ತನ್ನ ನೆರಳ ತಾನೆ ನೋಡಿ
ಹಿಡಿಯಲದನ ಹಿಂದೆ ಓಡಿ
ಮುಗ್ಗರಿಸಲದುವೆ ಚೆಂದ|
ಬಟ್ಟೆಯು ಒದ್ದೆಯಾದರೆ ಕಿರಿಕಿರಿ
ಕರೆಯುವೆ ಅಮ್ಮನ ಕೈಬೀರಿ||

ನಿದ್ದೆಯಲಿ ಮುಗುಳ್ನನಗುತ
ತುಟಿಯ ಚಪ್ಪರಿಸಲದುವೆ ಅಂದ|
ನಿದ್ದೆಯು ತೀರೆ ಎದ್ದು ಅಮ್ಮನ ಹುಡುಕೆ
ಕಾಣಿಸೆ ದುಃಖಿಸಿ ಅಳುತಲವಳ
ಭಯವ ಹೆಚ್ಚಿಸಲು ನಿನಗಾನಂದ|
ಅತ್ತು ಅವಳೆದೆಯ ಅಮೃತ ತಣಿದು
ತೃಪ್ತಿಯಲಿ ಕೆಳಗಿಳಿದು
ಅಂಬೆಗಾಲಲಿ ಓಡಲದುವೇ ಚೆಂದ||
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಸತ್ಯ ಸಾಯಲಿಲ್ಲ
Next post ಎಂಥ ಜನ!

ಸಣ್ಣ ಕತೆ

  • ಮಿಂಚು

    "ಸಾವಿತ್ರಿ, ಇದು ಏನು? ನನ್ನಾಣೆಯಾಗಿದೆ. ಹೀಗೆ ಮಾಡಬೇಡ! ಇದು ಒಳ್ಳೆಯದಲ್ಲ. ಬಿಡು, ಬಿಡು...! ನಾಲ್ಕು ಜನ ನೋಡಿದರೆ ಏನು ಅಂದಾರು?" ಅನ್ನಲಿ ಏನೇ ಅನ್ನಲಿ ನಾನು ಯಾವ… Read more…

  • ಕೆಂಪು ಲುಂಗಿ

    ಬೇಸಿಗೆಯ ರಜೆ ಬಂತೆಂದರೆ ಅಮ್ಮಂದಿರ ಗೋಳು ಬೇಡ; ಮಕ್ಕಳೆಲ್ಲಾ ಮನೆಯಲ್ಲೇ... ಟೀವಿಯ ಎದುರಿಗೆ ಇಲ್ಲವಾದರೆ ಅಂಗಳದ ಸೀಬೆಮರ ಮತ್ತು ಎತ್ತರವಾದ ಕಾಂಪೌಂಡಿನ ಗೋಡೆಗಳ ಮೇಲೆ.... ಯಾರಾದರೂ ಬಿದ್ದರೆ,… Read more…

  • ತಿಮ್ಮರಯಪ್ಪನ ಕಥೆ

    ರಂಗಣ್ಣ ಎರಡು ತಿಂಗಳು ಕಾಲ ರಜ ತೆಗೆದು ಕೊಂಡು ಬೆಂಗಳೂರಿಗೆ ಬಂದು ವಾಸಮಾಡುತ್ತಿದ್ದನು. ಶಿವಮೊಗ್ಗದಲ್ಲಿ ಪಿತ್ತವೇರಿಸುವ ತುಂಗಾಪಾನವನ್ನು ನಿತ್ಯವೂ ಮಾಡಿ, ಕಿವಿ ಮೂಗು ಬಾಯಿಗಳಿಗೆಲ್ಲ ಮುಸುರುವ ಸೊಳ್ಳೆಗಳ… Read more…

  • ಅವರು ನಮ್ಮವರಲ್ಲ

    ಪೇದೆ ಪ್ರಭಾಕರ ಫೈಲುಗಳನ್ನು ನನ್ನ ಟೇಬಲ್ ಮೇಲೆ ಇಟ್ಟು, ‘ಸರ್ ಸಾಹೇಬರು ನಿಮ್ಮನ್ನು ಕರೆಯುತ್ತಿದ್ದಾರೆ’ ಎಂದು ಹೇಳಿ ಮಾಮೂಲಿನಂತೆ ಹೊರಟು ಹೋದ. ಸಮಯ ನೋಡಿದೆ. ೧೦:೩೦ ಗಂಟೆ.… Read more…

  • ಅಪರೂಪದ ಬಾಂಧವ್ಯ

    ಹೆತ್ತ ತಾಯಿ ಬಿಟ್ಟುಹೋದ ಎರಡು ಮುಂಗಸಿ ಮರಿಗಳು ಅನಾಥವಾಗಿ ಚೀರಾಡುತ್ತಿದ್ದುದು, ಮನೆಯ ಮಕ್ಕಳ ಕಣ್ಣಿಗೆ ಬಿದ್ದಿತು. "ಅಪ್ಪಾ ಇಲ್ಲಿ ನೋಡು, ಮುಂಗುಸಿ ಮರಿ ಅಳುತ್ತಾ ಇವೆ. ಅದಕ್ಕೆ… Read more…