ಮರೆಯ ಬೇಡ ಮನುಜ ನೀನು
ಮಾನವೀಯತೆ|
ಮೆರೆಯಬೇಡ ಮನುಜ ನೀನು
ಮದವೇರಿದ ಪ್ರಾಣಿಯಂತೆ|
ಮನುಷ್ಯಗಲ್ಲದೆ ಮಾನವತೆಯಮೌಲ್ಯ
ಪ್ರಾಣಿಗಳಿಗೆ ಶೋಭೆ ತರುವುದೇ||
ಅಧಿಕಾರ ದರ್ಪ ಯಾರ ಬಳಿ
ಶಾಶ್ವತವಾಗಿ ನಿಂತಿದೆ|
ಯಾರಬಳಿ ಲಕ್ಷ್ಮಿ ಸದಾ
ಇರುವಳೆಂದು ಭ್ರಮಿಸುವೆ|
ಯಾರ ಬಳಿ ಯೌವನ
ಸೌಂದರ್ಯ ಸ್ಥಿರವಾಗಿ ನೆಲೆಸಿದೆ|
ಯಾವುದು ಇಲ್ಲಿ ಶಾಶ್ವತವಲ್ಲ
ಎಲ್ಲವೂ ಕಲಾತೀತ, ಎಲ್ಲವೂ ಅಶಾಶ್ವತ||
ಮಾನವತೆಯಿಂದ ನೋಡಲದುವೆ
ಜಗವೇ ಸುಂದರ|
ಮಾನವತೆಯಿಂದ ಬದುಕಲದುವೆ
ಸಮಾಜ ದೇವಮಂದಿರ|
ಮಾನವತೆಯೆಂಬ ವರವ
ಆ ದೇವನಿತ್ತಿಹನು ಮಾನವ|
ಅದನೆ ಮರೆತು ಆಗಬೇಡ
ಮನುಜ ನೀನು ದಾನವ||
ದಯೆಯು ತುಂಬಿ
ದಾನ ಧರ್ಮ ಮೇಳೈಸಲಿ|
ಕರುಣೆಯ ಕಡಲು ಉಕ್ಕಿ
ಶಾಂತಿ ಸಮಾನತೆಯು ಎಲ್ಲೆಡೆ ನೆಲಸಲಿ|
ಸರ್ವೋಜನ ಸುಖಿನೋಭವಂತು ಎಂಬ
ಶಾಂತಿ ಮಂತ್ರ ನಮ್ಮಲಿ ಪ್ರತಿಬಿಂಬಿಸಲಿ||
*****
