ಮದುವೆಯಾಗಿ ಮೂರು ವರ್ಷಗಳ ಬಳಿಕ
ಮಡದಿ ಮಗಳೊಂದಿಗೆ ಮೊನ್ನೆ
ಲಾಲ್ಬಾಗ್ ನೋಡಲು ಹೋದಾಗ
ಮಗಳನ್ನು ಆಡಲು ಬಿಟ್ಟು,
ಮುದ್ದು ಮಡದಿಯೊಂದಿಗೆ
ಜೋಡಿಯಾಗಿ ಕುಳಿತಿದ್ದಾಗ
ಅನಿಸಿತು, ನಮ್ಮ ಬಾಳೇ ಒಂದು ರೀತಿ,
ನಮಗೆ ನಮ್ಮದೇ ಒಂದು ನೀತಿ,
ಒಬ್ಬೊಬ್ಬರದು ಒಂದೊಂದು ರೀತಿ.
ಹೀಗೆಯೇ ಯೋಚಿಸುತ್ತಾ ಕುಳಿತಿದ್ದಾಗ
ನಮ್ಮ ಮುಂದೆ, ಆಗೊಮ್ಮೆ-ಈಗೊಮ್ಮೆ
ಹಾದು ಹೋಗುತ್ತಿದ್ದವು ಒಂದೊಂದು ಜೋಡಿ
ಅವರಲೊಬ್ಬೊಬ್ಬರದೂ ಒಂದೊಂದು ರೀತಿ.
ಯಾರಿಗೂ ಕಾಣದೆ ಕದ್ದು ಓಡಾಡುತ್ತಿರುವ
ನಲ್ಲ-ನಲ್ಲೆಯರದೇ ಒಂದು ರೀತಿ .
ಮದುವೆಗೆ ಮುಂಚೆ ಓಡಾಡುವ
ಮದು-ಮಕ್ಕಳದೇ ಒಂದು ರೀತಿ.
ಹೊಸದಾಗಿ ಮದುವೆಯಾದ ಜೋಡಿ,
ಅವರದೇ ಒಂದು ರೀತಿ ನೋಡಿ!
ಒಂದು ಮಗು ಆದವರದು,
ಎರಡು ಮಕ್ಕಳಾದವರದು,
ಮಕ್ಕಳೇ ಆಗದವರದು
ಒಬ್ಬೊಬ್ಬರದು ಒಂದೊಂದು ರೀತಿ
ಅವರವರಿಗೆ ಅವರವರದೇ ನೀತಿ!
ಅದು ಪ್ರಕೃತಿ ನಿಯಮ.
ಈ ರೀತಿ ನೀತಿಗಳ ನಿರ್ಮಿಸಿ,
ಅದರ ಇತಿ ಮಿತಿಯೊಳಗೇ
ನಮ್ಮೆಲ್ಲರ ಬಾಳ ನಾಟಕಗಳ
ಆಡಿಸುವ ಸೂತ್ರಧಾರನದೇ
ಒಂದು ರೀತಿ… ಒಂದು ನೀತಿ!
*****
೨೧-೦೧-೧೯೮೭
Related Post
ಸಣ್ಣ ಕತೆ
-
ಎರಡು ಮದುವೆಗಳು
ಮುಂಗಾರು ಮಳೆಗಳು ಸರಿಯಾಗಿ ಬಾರದೇ ಭುವನೇಶ್ವರದ ಹಳ್ಳಿಯ ಜನರಲ್ಲಿ ಒಂದು ರೀತಿಯ ಕಳವಳವಾಗಿತ್ತು. ಮಳೆ ಬಂದರೆ ಬೆಳೆ, ಬೆಳೆ ಆದರೆ ಬಾಳು ಎಂದು ಬದುಕುತ್ತಿದ್ದ ಅವರಿಗೆ ಏನು… Read more…
-
ಕಳಕೊಂಡವನು
ಸುಮಾರು ಒಂದು ಗಂಟೆಯ ಪಯಣದಿಂದ ಸುಸ್ತಾದ ಅವನು ಬಸ್ಸಿನಿಂದ ಇಳಿದು ರಸ್ತೆಯ ಬದಿಗೆ ಬಂದು ನಿಂತು ತನ್ನ ಕೈಗಡಿಯಾರ ದೃಷ್ಟಿಸಿದ. ಮಧ್ಯಾಹ್ನ ಒಂದು ಗಂಟೆ. ಒಮ್ಮೆ ಮುಖ… Read more…
-
ನಿರಾಳ
ಮಂಗಳೂರಿನ ಟೌನ್ಹಾಲಿನ ಪಕ್ಕದಲ್ಲಿರುವ ನೆಹರೂ ಮೈದಾನಿನ ಮೂಲೆಯ ಕಲ್ಲು ಬೆಂಚಿನ ಮೇಲೆ ಕುಳಿತ ಪುರಂದರ ಹಸಿವೆಯನ್ನು ತಡೆಯಲಾರದೆ ತಳಮಳಿಸುತ್ತಿದ್ದ. ಜೇಬಿಗೆ ಕೈ ಹಾಕಿ ನೋಡಿದ. ಬರೇ ಇಪ್ಪತ್ತೇಳು… Read more…
-
ಶಾಕಿಂಗ್ ಪ್ರೇಮ ಪ್ರಕರಣ
ಅವನು ಅವಳನ್ನು ದಿನವೂ ತಪ್ಪದೇ ನೋಡುತ್ತಿದ್ದ. ಅವಳು ಕಾಲೇಜಿಗೆ ಹೋಗುವ ಹೊತ್ತಿಗೆ ಅವಳನ್ನು ಹಿಂಬಾಲಿಸುತ್ತಿದ್ದ. ಕಾಲೇಜು ಬಿಡುವ ಹೊತ್ತಿಗೆ ಗೇಟಿನ ಎದುರು ಕಾದು ನಿಂತು ಮತ್ತೆ ಹಿಂಬಾಲಿಸುತ್ತಿದ್ದ.… Read more…
-
ಬಾಳ ಚಕ್ರ ನಿಲ್ಲಲಿಲ್ಲ
ತಂದೆಯ ಸಾವು ಕುಟುಂಬವನ್ನೇ ಬೀದಿಪಾಲು ಮಾಡಿತು. ಹೊಸಪೇಟೆಯ ಚಪ್ಪರದ ಹಳ್ಳಿಯಲ್ಲಿ ವಾಸವಾಗಿದ್ದ ಇಮಾಮ್ ಸಾಬ್ ಹಾಗೂ ಝೈನಾಬ್ ದಂಪತಿಗಳಿಗೆ ೬ ಹೆಣ್ಣು ಮಕ್ಕಳು, ಒಂದು ಗಂಡು ಮಗು.… Read more…