ಧ್ಯಾನದಲಿ ಪರಮಾತ್ಮನ ಕಾಣು
ಕಾಯಕದಲಿ ಶುದ್ಧತೆಯ ಕಾಣು
ಮಾತಿನಲ್ಲಿ ಸತ್ಯತೆ ಪಾಲಿಸು
ಜೀವನದಲಿ ಮಹತ್ವ ಸಾಧಿಸು
ಪೂಜೆಯೆಂಬುದಕ್ಕೆಂದು ಸಮಯವಿಲ್ಲ
ಸರ್ವಕಾಲಕ್ಕೂ ಜಪಿಸುವುದು ತಪ್ಪಲ್ಲ
ಯಾವುದೇ ಕಾಯಕದಲ್ಲೂ ದೇವನ ಸ್ಮರಿಸು
ಆ ಕಾರ್ಯ ದೈವಮಯವಾಗಿ ನಿರ್ಮಿಸು
ಶ್ವಾಸದ ಒಂದೊಂದು ಉಸಿರಲ್ಲೂ
ಉಚ್ಚರಿಸಬೇಕು ನಾಮ ಎಲ್ಲೆಲ್ಲೂ
ನಾವು ನರಕದತ್ತ ಸರಿವುದೇ ಪತನ
ಸ್ವರ್ಗದತ್ತ ವಾಲುವುದೆ ಜತನ
ನೀನು ಎಷ್ಟು ಜನರೊಂದಿಗೆ ಇದ್ದರೇನು!
ಯಾರು ನಿನ್ನ ಭಾರ ಹೊದಿಯುವರೇನು
ನಿನ್ನ ಕರ್ಮವೆಲ್ಲ ನಿನ್ನ ಬೆನ್ನ ಹಿಂದೆ
ನಿನ್ನ ಪುಣ್ಯವೆಲ್ಲ ಕಾಪಾಡುವದೊಂದೆ
ಎಷ್ಟೊತ್ತಿನವರೆಗೆ ಈ ನಿನ್ನ ಸಂತೆ
ಮರೆತೆ ಬಿಡುವುದೇ ಪರಮಾತ್ಮನಿಗೆ
ಹೌದು ಜಗವೆಲ್ಲ ಮೋಸಗೊಳಿಸಬಹುದೇನೊ
ಮರೆಯದಿರು ಮಾಣಿಕ್ಯ ವಿಠಲನಿಗೆ
*****
