ಹಾಸಿಗಿ ಹಾಸಾಕ ಬಂದೇನ ನಾ ಗೆಣತಿ
ಹಾಸಿಗಿ ಹಾಸಾಕ ನಿಂತೇನ ||ಪಲ್ಲ||
ಗೆಣಿಯಾನು ಬರತಾನ ಗೆಣತೀಯ ಬೇಡ್ತಾನ
ಮಖಮಲ್ಲು ಹಾಸೀಗಿ ಮಾಡ್ತೇನ
ಬೀಸಣಿಕಿ ಇಡತೇನ ಹೂಹಣ್ಣು ಕೊಡತೇನ
ಬೆಚ್ಚಂಗ ಕುತನೀಯ ಹಾಕ್ತೇನ ||೧||
ದೇವರಾ ಹೆಸರಾಗ ದೇವಕಿ ಬಸರಾದ್ರ
ಬಾಣೆಯತನಕಾನು ನಿಲ್ತೇನ
ಎಣ್ಹೆಚ್ಚಿ ಎರಿತೇನ ಕ್ಯಾದೀಗಿ ಕಟತೇನ
ಬಾಗಲಾ ಕಿಡಕಿಯ ಮುಚತೇನ ||೨||
ತಲಬಾಗ್ಲ ಮುಚತೇನ ತಲವಾರ ಹಿಡಿತೇನ
ದೇವರು ಮಲಗ್ಯಾರು ಅಂತೇನ
ಬಂದೋರ್‍ಗೆ ಹೋದೋರ್‍ಗೆ ಅಂಗಾರ ಕೊಡತೇನ
ಕುಂಟಲಗಿತ್ಯ್ತಾನು ಕುಣಿತೇನ ||೩||
ಗಂಟೀಯ ಬಡದೇನ ಗಂಟನ್ನು ಹೊಡದೇನ
ಹಾದರಕ ಹೂಹಾರ ಹಾಕ್ತೆನ
ನೂರಾರು ಗರತೇರ ಗೆಣಿಯಾಗ ತರತೇನ
ಪುಗಸಟ್ಟೆ ಪಾನಕ ಕುಡಿತೇನ ||೪||
ಹಲಕಟ್ಟ ಈ ಕಟಿಗಿ ಹರಕು ತಟ್ಟಲಿ ಕಾಮಿ
ಚೌರೀಯ ಚಾಮರಾ ಬೀಸ್ತೇನ
ದಡ್ಡರಿಗೆ ದಡ್ಮಾಡಿ ಕುಡ್ಡರಿಗೆ ಕುಡ್ಮಾಡಿ
ದೊಡ್ಡೋರ ಅಂಗಡಿ ಕಾಯೇನ ||೫||
*****
ಈ ಕಟಿಗಿ = ಈ ಪೆನ್ನು, ಈ ದೇಹ