ಮಲ್ಲಿಗೆ

ಮಲ್ಲಿಗೆ! ಮಲ್ಲಿಗೆ!
ನಿನಗೆ ನಮಗೆ
ಎಲ್ಲಿಗೆಲ್ಲಿಗೆ ?

ಸಸ್ಯದೆದೆಯ ಸುಧಾರಸವೆ ಹೂವಾಗಿ
ಹಾಲು ಬಣ್ಣ ರೂಪದಲ್ಲಿ
ಪ್ರಕಟವಾಗುವಂತೆ
ಅರಳಿ ನಿಲ್ಲುವೆ.

ಸಸ್ಯಮಾತೆ, ಪ್ರೇಮ ಭಾವವೇ
ಪುಟ್ಟ ಪುಟ್ಟ ಸರಳ
ಸುಂದರ ನವಿರು ನವಿರು ದಳಗಳಾಗಿ
ಮೈದಾಳಿ ನಿಲ್ಲುವೆ.

ಸರಸ ಮನದ ಮಧುಕರ
ಸುತ್ತ ಮುತ್ತ ಹಾರುತ್ತ, ಹಾಡುತ್ತ
ಪ್ರೇಮಮುದ್ರೆಯೊತ್ತುವ
ಜೀವ ಕ್ರಿಯೆ ಸಾಗಿಸುವ ದೃಶ್ಯ
ಬಹು ಆಪೇಕ್ಷಿತ.

ಸಸ್ಯ ಸಂತನಾತ್ಮನು
ಪೂರ್ಣವಾಗಿ ಪ್ರಕಾಶಿಸಿ
ಸಿಹಿಸಿಹಿ ಸತ್ಯ ಗಂಧ ಬೀರಿ
ಸರ್ವ ಜೀವ ಪ್ರಭಾವಿಸಿ
ಧನ್ಯತೆಯ ಹೊಂದುವೆ.

ನೂರುಕಾಲ ಬದುಕಿ ಬಂದಿತೇನು?
ಕ್ಷಣ ಬದುಕಿ ಸಲ್ಲುವೆ
ಎಲ್ಲದರಲಿ ಎಲ್ಲರಿಗೂ ಎಲ್ಲಾ ಕಾಲ
ಆ ಸರ್ವೇಶನಿಗಿದು ಸಾಧ್ಯವೋ…!
ಬಲ್ಲೆನಲ್ಲ!
*****