ನಾನ್ ಇನ್ನಾರ್ಗೋ ನೋಡ್ದೇಂತ್ ಯೋಳಿ
ಇಲ್ದಿದ್ ಅತ್ತೀನ್ ಇಂಜಿ
ಸಿಕದಿದ್ ಬಿತ್ತಾನ್ ಎತ್ತೋಕ್ ನೋಡಿ
ರಾಂಗ್ ಮಾಡ್ಬಾರ್ದು ನಂಜಿ. ೧
ನಿದ್ದೇಲ್ ಇಡ್ದಿ ನನ್ನ ಎಬ್ಬಿಸ್ತ
‘ನಿನ್ ಎಸರೇನ್?’ ಅಂತನ್ನು-
‘ಪುಟ್ನಂಜಿ’ ಅಂತನ್ದೆ ಓದ್ರೆ
ಮಾತಿನ್ ಮೆಯ್ಗೆ ತೊನ್ನು! ೨
ಪಕ್ಕದ ಮುತ್ತಿನ್ ಕಂಬದ ಮುಂದಾ
ಇಲ್ದಿದ್ ಯೆಂಚಿಕಡ್ಡಿ!
ನಿನಗದನೂನೆ ನಾನೇಳಾನೆ!
ಯಾಕಿಂಗಾದೆ ಮಡ್ಡಿ? ೩
‘ಬಲಗೈ ಇದ್ದೂ ಇಲ್ದಂಗೇನೆ!’
ಅಂತ್ ಯೋಳ್ದಂದೆ ಎಡಚ-
ಪ್ರೀತೀ ಪಟ್ಗೆ ಸಿಕ್ಕೊಂಡೋರ್ಗೆ
ಗ್ನಾನಿದ್ರೂನೆ ಪಡಚ! ೪
ಆಳ್ ಗುಮಾನಿ ಅಂದ್ರೆ-ಆವ್ತಿ
ಅನಾಮತ್ತಾಗ್ ಎಲ್ಲ!
ನಂಗೇ ನಾವೇ ಮುರಕೋಬಾರ್ದು
ಅಗಿಯಾಕ್ ಇರೋ ಅಲ್ಲ! ೫
ಈಚೆ ಪಕ್ದಾಗ್ ಅಕ್ಸ್ರಾನೂನೆ
ಆಚೆ ಮನಸನ್ ಬುಳ್ದೆ
ರೂಪಾಯ್ಗ್ ಇದ್ದಂಗ್ ಗುಮಾನಿಗೂನೆ
ಆಚೆ ಈಚೆ ಎಳ್ಡೆ! ೬
ಈ ಗುಮಾನೀನೇ ನಾವ್ ಪ್ರೀತೀಗ್
ಕಟ್ಟೋ ಚಕ್ಕರ್ ಬಡ್ಡಿ!
ಈ ಗುಮಾನೀನೇ ನಂ ಪ್ರೀತೀನ್
ಅಳೆಯೋಕ್ ಅಳತೆ ಕಡ್ಡಿ! ೭
*****
