ಇದ್ದು ಬಿಡಬೇಕು
ನಿನ್ನಂತೆ
ಇದ್ದರೂ ಇರದಂತೆ
ನಿತ್ಯ ನೆರೆದರೂ ಸಂತೆ
ಇಲ್ಲ ಚಿಂತೆ!
ಬಿಸಿಲು ಮಳೆ ಚಳಿಗಾಳಿಗೆ
ಹಿಗ್ಗದೇ ಕುಗ್ಗದೇ
ಎಲ್ಲಿಯೂ ಲೆಕ್ಕಕ್ಕೆ ಸಿಗದೇ
ಯಾರಿಗೂ ವೇದ್ಯವಾಗದೇ
ಇದ್ದು ಬಿಡಬೇಕು
ನಿನ್ನಂತೆ
ಇದ್ದರೂ ಇರದಂತೆ.
ಅದೆಷ್ಟು ತರಹೇವಾರಿ
ಹಸಿಬಟ್ಟೆಗಳು ನಿತ್ಯವೂ
ನಿನ್ನ ಮೇಲೇರಿ
ಕೆಳಗಿಳಿದು
ಒಣಗೊಣಗಿ ಮಡಿಯಾಗಿ
ರಾಜಠೀವಿಯಲಿ ಮೆರೆದವೋ
ಕೃತಜ್ಞತೆ ಎಂದವೇ?
ಇಲ್ಲವೆಂದು ನೀನೊಂದೆಯೆ?
ನಿತ್ಯ ಹಸಿಬಟ್ಟೆಗಳ ಹೇರಿಕೊಂಡು
ಒಂದಿಷ್ಟೂ ಗೊಣಗದೇ
ಒಣಗೊಣಗಿಸಿ ನೀಡಿಯೂ
ತಟಸ್ಥವಾಗಿ ನಿಂತ ತಂತಿಯೇ
ಇದ್ದು ಬಿಡಬೇಕು
ನಿನ್ನಂತೆ
ಇದ್ದರೂ ಇರದಂತೆ!
*****
ಮೃದುವಾಗಿ ಯಾರೋ ತೋಳು ತಟ್ಟಿದಂತಾಯಿತು. ಪುಸ್ತಕದಿಂದ ತಟ್ಟನೆ ತಲೆ ಎತ್ತಿದಳು ಲಿಂಡಾ. ನೀಲಿಕಣ್ಣುಗಳಲ್ಲಿ ಆಶ್ಚರ್ಯ ಮೂಡಿತ್ತು. "ಮದರ್ ಕರೆಯುತ್ತಿದ್ದಾರೆ..." ಅಷ್ಟೇ ಹೇಳಿ ಮೇರಿ ಸಿಸ್ಟರ್ ಹೊರಟರು. ಅವಳ… Read more…
ಒಂದು ವಾರದಿಂದಲೇ ಮನೆಯಲ್ಲಿ ತಯಾರಿ ನಡೆದಿತ್ತು. ತಂಗಿಯನ್ನು ನೋಡಲು ಬೆಂಗಳೂರಿನಿಂದ ವರ ಬರುವವನಿದ್ದ. ಗೋಪಿ ಅವಳನ್ನು ಆ ವರನ ಹೆಸರೆತ್ತಿ ಚುಡಾಯಿಸುತ್ತಿದ್ದ, ರೇಗಿಸುತ್ತಿದ್ದ. ಅವಳ ಕೆನ್ನೆ ಕೆಂಪಗೆ… Read more…
ಬೆಳಗ್ಗಿನ ಸ್ನಾನ ಮುಗಿಸಿದ ವೃಂದಾ ತನ್ನ ರೂಮಿಗೆ ಬಂದು ಬಾಗಿಲುಹಾಕಿಕೊಂಡು ಕನ್ನಡಿಯಲ್ಲಿ ತನ್ನ ದೇಹ ಸಿರಿಯನ್ನೊಮ್ಮೆ ನೋಡಿಕೊಂಡಳು. ಯಾಕೋ ಅವಳ ಮೈ - ಮನ ಒಮ್ಮೆ ಪುಲಕಿತವಾಯಿತು.… Read more…
ಬೀದಿ ಬದಿಯ ಪುಸ್ತಕದ ಅಂಗಡಿ ಪ್ರಭಾಕರನನ್ನು ಅರಿಯದವರು ಬಹಳ ವಿರಳ. ತಳ್ಳೋ ಗಾಡಿಯ ಮೇಲೆ ದೊಡ್ಡ ಟ್ರಂಕನ್ನಿಟ್ಟು ನಿಧಾನವಾಗಿ ತಳ್ಳಿಕೊಂಡು ಬರುವ ಪ್ರಭಾಕರ ಕೆನರಾ ಬ್ಯಾಂಕಿನ ರಸ್ತೆಬದಿ… Read more…
ಸಂಜೆ ಮೊಗ್ಗೂಡೆದಿತ್ತು. ಆಕಾಶದ ತುಂಬೆಲ್ಲಾ ಬಣ್ಣದ ಬಾಟಲಿ ಉರುಳಿಸಿದ ಹಾಗೆ ಕೆಂಪು, ನೀಲಿ ಬಣ್ಣ ಚೆಲ್ಲಿ, ಚಳಿಗಾಲದ ಸಂಜೆಯ ಮಬ್ಬಿನ ತೆಳುಪರದೆಯ ‘ಓಡಿನಿ’ ಎಲ್ಲವನ್ನೂ ಸುತ್ತುವಂತೆ ಪಸರಿಸಿಕೊಂಡಿತ್ತು.… Read more…
