ಆಚಾರ ಹೀನನ ಮಾತು ಅರ್ಥವಿಲ್ಲದು
ಅದನು ನಂಬಿ ಅವನನ್ನ ಅನುಸರಿಸದಿರು
ಆಯ್ದುಕೊ ನಿತ್ಯವೂ ಸ್ವಾರ್ಥವಿಲ್ಲದು
ನಿನ್ನ ಬದುಕು ದೊಂಬರಾಟ ಮಾಡದಿರು
ಒಂದೊಂದು ಕ್ಷಣದಲ್ಲೂ ವ್ಯಾಕುಲತೆ ಇರಲಿ
ಅದು ದೇವರಿಗಾಗಿ ಚಡಪಡಿಕೆ ಇರಲಿ
ಹಗಲಿರುಳು ಧ್ಯಾನಿಸು ಬರೀ ಧ್ಯಾನಿಸು
ಅಲ್ಲಿ ಕಾಣು ಬರೀ ಹರಿಯದೇ ಕನಸು
ಐಹಿಕ ಸುಖಗಳೆಲ್ಲ ಕ್ಷಣದ ತೃಪ್ತಿ
ಆತ್ಮ ಸಾಕ್ಷಾತ್ಕಾರ ನಿತ್ಯ ಸಂತೃಪ್ತಿ
ಒಮ್ಮೆ ಪರಮಾತ್ಮನ ದರ್ಶನವಾದರೂ
ಕೋಟಿ ಜನುಮಗಳ ಪಾಪದೂರ
ಆತ್ಮ ಹಾಕಿದ ಹೆಜ್ಜೆಗೆ ಹಿಂಬಾಲಿಸು
ಶುದ್ಧ ಮನಸ್ಸು ಆತ್ಮದ ಛಾಯೆ
ಸತಿ ಸುತ ಆಸೆಗಳ ಮನದಿಂದಮಾಸು
ಮಾಣಿಕ್ಯ ವಿಠಲನಿಗೆ ಭಾವಹಾಸು
*****
