ಮನುಜ ನಡೆ ಮುಂದೆ ನಡೆ ಮುಂದೆ
ನೀ ನಿಂತ ತಾಣ ಇದು ಶಾಶ್ವತ ಅಲ್ಲ
ಇದು ಕೇವಲ ಕನಸುಗಳ ಗುಂಪು
ಇಲ್ಲಿಲ್ಲ ಪರಮಾತ್ಮನ ಭಕ್ತಿ ಇಂಪು
ನಿನ್ನ ಹೆಜ್ಜೆ ಹೆಜ್ಜೆಗೂ ಕಾಡಿವೆ ಮುಳ್ಳು
ಆ ಮುಳ್ಳಗಳ ನೀನು ಹೂವಾಗಿಸಬೇಕು
ಆಡಬೇಡ ವ್ಯರ್ಥ ಚರ್ಚೆ ಮಾತುಗೊಳ್ಳು
ಅದು ನಿನ್ನ ವ್ಯಕ್ತಿತ್ವ ಹನನವಾಗಿಸಲು ಸಾಕು
ಅಚಲ ಶ್ರದ್ಧೆ ಭಕ್ತಿಗಳೇ ನಿನ್ನ ಸಿದ್ಧತೆ
ಪ್ರಾಮಾಣಿಕ ನಡೆ ನುಡಿಗಳೇ ಬದ್ಧತೆ
ಸಾಧಿಸಬೇಕಾದರೆ ಈಗಲೇ ಸಾಧಿಸು
ನಾಳೆ ಎಂಬುದೆಲ್ಲ ಇಂದೇ ಭೇದಿಸು
ಭವಸಾಗರದಿಂದ ಆನಂದ ಸಾಗರತ್ತ ನಡೆ
ಮಾಡು ನಿನ್ನಯ ಈ ಜನುಮ ಕಡೆ
ಬಲು ನೀರ, ಗಾಳಿಗೆ ಚಡಪಡಿಸುವಂತೆ
ಆಗದೆ, ಮಾಡು ಮಾಣಿಕ್ಯ ವಿಠಲನ ಚಿಂತೆ
*****
