Home / ಕವನ / ಕವಿತೆ / ಅಡುಗೆ

ಅಡುಗೆ

ಎಲ್ಲರೂ ಮಾಡುತ್ತಾರೆ ಅಡುಗೆ
ಆದೇ ಅಕ್ಕಿ, ಬೇಳೆ, ತರಕಾರಿ
ಅದೇ ಉಪ್ಪು, ಹುಳಿ, ಖಾರ, ಕಾಯಿತುರಿ
ಎಲ್ಲರೂ ಉಪಯೋಗಿಸುವ ಪದಾರ್ಥಗಳು
ಉರಿಸುವ ವಿವಿಧ ಇಂಧನಗಳು
ಬೇಯಿಸುವ, ಕಲಸುವ ವಿಧಾನಗಳು
ಎಲ್ಲ ಒಂದೇ ಆದರೂ
ಒಬ್ಬೊಬ್ಬರ ಅಡುಗೆ ಒಂದೊಂದು ರುಚಿ
ಕೆಲವರ ಅಡುಗೆ ಪುಷ್ಕಳ ರಸದೌತಣ
ಕೆಲವರದು ಶುಷ್ಕ ಭೋಜನ.
ಈ ವ್ಯತ್ಯಾಸಕ್ಕೇನು ಕಾರಣ?
ಸೇರಿಸುತ್ತಾರೇನೋ ವಿಶೇಷ ಅಂಶ ನೋಡೋಣ.
ಹೌದು. ತಾಯಿ-ಮಕ್ಕಳು ತನ್ನಡಿಗೆ ಉಂಡು
ಸಂತಸ, ತೃಪ್ತಿ, ಆರೋಗ್ಯ, ಆಯುಷ್ಯ ಹೊಂದಲಿ
ನೂರು ಕಾಲ ಸುಖವಾಗಿ ಬಾಳಲಿ
ಎಂದು ಸೇರಿಸುತ್ತಾಳೆ ಅಪಾರ ಪ್ರೀತಿ.
ಸೊಸೆ – ತಂದೆಯ ಮನೆಯ
ಆಳು ಕಾಳು, ಅಡುಗೆಯವರನ್ನು ನೆನೆಯುತ್ತಾ
ಇವರ ಮನೆಗೆ ಬಂದು ತಾನೇ
ಅಡುಗೆಯವಳಾದುದಕ್ಕೆ ವಿಷಾದಿಸುತ್ತಾ
ಸೇರಿಸುತ್ತಾಳೆ ಸಿಟ್ಟು, ನಿಟ್ಟುಸಿರು, ಕಣ್ಣೀರು.
ಮನೆಗಳಲ್ಲಿ ಕೆಲಸ ಮಾಡುವ ಅಡುಗೆಯವರು
ಸೇರಿಸುತ್ತಾರೆ ಧಾರಾಳವಾಗಿ ಸಂಬಾರ ಪದಾರ್ಥ
ಮದುವೆ ಮನೆ ಅಡುಗೆಯವರು
ಸೇರಿಸುತ್ತಾರೆ ತಮ್ಮ ಅನುಭವ ಸಾರ.
ಹೋಟೆಲ್ ಅಡಿಗೆಯವರು
ಗಿರಾಕಿಗಳ ಮನ ಸೆಳೆಯಲು
ಸೇರಿಸುತ್ತಾರೆ – ಕಣ್ಣಿಗೆ ತಂಪಾದ
ನಾಲಿಗೆಗೆ ರುಚಿಯಾದ
ಆರೋಗ್ಯಕ್ಕೆ ಕೆಡುಕಾದ
ಜೇಬಿಗೆ ಅಪಾಯವಾದ
ವ್ಯಾಪಾರಿ ತತ್ವಗಳನ್ನು
*****
೨೩-೦೮-೧೯೯೦

Tagged:

Leave a Reply

Your email address will not be published. Required fields are marked *

ಒಂದೇ ರೂಮಿನಲ್ಲಿದ್ದರೂ ಅವನನ್ನು ನನ್ನ ಸ್ನೇಹಿತ ಎಂದು ಮನಸ್ಸು ಒಪ್ಪಿಕೊಂಡಿರಲಿಲ್ಲ. ರಾತ್ರಿ ನಿದ್ದೆಗಾಗಿ ಮಾತ್ರ ಅವನಿಗದೊಂದು ರೂಮು. ಊಟತಿಂಡಿ ಎಲ್ಲಾ ಹೋಟೆಲ್ಲು. ನಾನು ಸಂಜೆ ಏಳಕ್ಕೆ ರೂಮಿಗೆ ಬಂದರೆ ಅವನು ಹತ್ತಕ್ಕೆ ಬರುತ್ತಿದ್ದ. ಬೆಳಿಗ್ಗೆ ಅವನು ಹತ್ತಕ್ಕೆ ಹೊರಟರೆ ನಾನು ಒಂದ...

ಚಾಮುಂಡಿ, ದುರ್ಗಿ, ಕಾಳಿ, ಶಂಕರಿ, ಮಾರಿ ಮೊದಲಾದ ದೇವಿಗಳಿಗೂ : ಆಂಜನೇಯ, ವಲ್ಲಭರಾಯ, ನರಸಿಂಹ ಮೊದಲಾದ ದೇವರುಗಳಿಗೂ ನಮ್ಮೂರಲ್ಲಿ ಏನೂ ಕೊರತೆಯಿಲ್ಲ. ಇಲ್ಲೊಂದು ಶಂಕರಿ ದೇವಾಲಯ ಬಹುಕಾಲದಿಂದಲೂ ಇದೆ. ಅದನ್ನು ಕಟ್ಟಿಸಿದವರು ಯಾರೆಂಬುದೇ ಗೊತ್ತಿಲ್ಲ. ಪ್ರತಿ ಶನಿವಾರ ಅಭಿಷೇಕ, ಶುಕ್ರ...

ರಾಜ ನಿಮಗೆ ಗೊತ್ತೆ? ಇಲ್ಲ? ಆತ ನನ್ನ ಸ್ನೇಹಿತ, ಆಪ್ತ ಸ್ನೇಹಿತ. ಅವನಿಗೂ ಕತೆ ಬರೆಯುವ ಹುಚ್ಚಿದೆ. ಆದರೆ ಬರೆದು ಸಂಪಾದಿಸಿ ಬದುಕುವ ಹಟವಿಲ್ಲ. ಹಾಗೆಂದೇ, ತಕ್ಕಮಟ್ಟಿಗೆ ಸಂಪಾದನೆ ಇರುವ ಬೇರೆ ಉದ್ಯೋಗದಲ್ಲಿದ್ದಾನೆ! ರಾಜ ಬರೆದಿರುವ ಒಂದು ಕಥೆ ನನ್ನಲ್ಲಿದೆ. ಓದಿ ನೋಡುತ್ತೀರಾ? ನಿಮ...

ಅಂದು ನಾನು, ನಮ್ಮ ತಾತ, ನನ್ನ ತಂಗಿ ಎಲ್ಲರೂ ಕಣದಲ್ಲಿ ಕುಳಿತುಕೊಂಡು ಹರಟೆ ಹೊಡೆಯುತ್ತಿದ್ದೆವು. ಸುಗ್ಗಿಯ ಕಾಲವಾದ್ದರಿಂದ ರೈತರು ಮತ್ತು ಆಳುಗಳು ಕಣದಲ್ಲಿ ಕೆಲಸ ಮಾಡುತ್ತಿದ್ದರು. ನಮ್ಮ ತಾತನು ಆ ಮಾತು ಈ ಮಾತು ಆಡುತ್ತಿದ್ದರೂ, ಆತನ ಒಂದು ಕಣ್ಣು ಮಾತ್ರ ಕೆಲಸಗಾರರ ಮೇಲೆಯೇ ಇರುತ್...

ರಾಜಗೃಹದ ಬಳಿಯ ಗೃಧ್ರಕೂಟ ಪರ್ವತ. ಪರಮಾತ್ಮನಾದ ಬುದ್ಧದೇವನ ಪವಿತ್ರ ಪಾದಧೂಳಿಯಿಂದ ಪುನೀತವಾದ ಗಿರಿವರದ ನೆತ್ತಿ. ನೆತ್ತಿಯ ನೆಲೆಯಲ್ಲಿ ಎರಡು ಗುಹೆಗಳು. ಅಲ್ಲಿ ಇಬ್ಬರು ಬೌದ್ಧ ಸನ್ಯಾಸಿಗಳು ಧ್ಯಾನಶೀಲಾನುಷ್ಠಾನಾದಿಗಳಿಂದ ನಿರ್‍ವಾಣವನ್ನು ಸಾಧಿಸುತ್ತಿದ್ದರು. ಇಬ್ಬರೂ ಅಕ್ಕ ಪಕ್ಕದ ...

ವ್ಹಾಲೆಂಟಾಯಿನ್ ಡಿಗ್ಬಿಯು ಭೋಜನವನ್ನು ತೀರಿಸಿಕೊಂಡು ‘ಹಾವಾನಾ ಸಿಗರ’ (ತಂಬಾಕದ ಸುರುಳೆ) ಸೇದುತ್ತೆ ತನ್ನ ಆರಾಮ ಕುರ್ಚಿಯಲ್ಲಿ ಯಥಾಸುಖವಾಗಿ ಕುಳಿತು ಏನೇನೋ ವಿಚಾರ ಮಾಡುತ್ತಿದ್ದನು. ಸುಗಂಧಿತವಾದ ಸಿಗರದ ಹೊಗೆಯು ಕಾಮಿನಿಯ ಕೇಶಕಲಾಪದಂತೆ ಸುರುಳೆ ಸುರುಳೆಯಾಗಿ ಅಂತರಿಕ್ಷದಲ್ಲಿ ಗಾಳ...