ನನ್ನ ಗೆಳತಿ ಅವಳು
ಎಂದಂತೆ ಹೆಜ್ಜೆ ಇಟ್ಟಂತೆ
ಲಜ್ಜೆಯ ಬೆಸದಂತೆ
ಅವಳೊಂದು ಮಿಲನ
ಮುಕ್ತ ಮುಕ್ತ ಕಾವ್ಯ
ಹರಿದು ಹೋದಂತೆ
ನದಿ ನದಿಗಳ ಕಡಲ ಸೇರಿ
ಮುತ್ತಾದಂತೆ ಬದುಕಿನ
ಮಜಲುಗಳ ಅಪ್ಪಿಕೊಂಡು
ನನ್ನ ಗೆಳತಿ ಅವಳು ಮುಕ್ತ
ಸಂತೆಯ ಮಳಿಗೆಗಳ
ಸುತ್ತಿ ಸುಳಿದ ಬಣ್ಣ
ಬಣ್ಣದ ಅರಿವು ಕೊಂಡು
ಕೊಂಡೆ ಗೆಳತಿ ನೀನಾದರೂ
ಸರಿಯೇ ಹೇಳು ಅವಳು ಮುಕ್ತ
ಹಸಿರು ನಿನ್ನ ಉಡುಗೆಯು
ಹಳದಿ ಬಣ್ಣ ಎಳೆಗಳಲ್ಲಿ
ಕೆಂಪು ಹೂವುಗಳು ಅರಳಿ
ನಗುತಿರಲು ಗೆಳತಿ ಅವಳ
ಸೆರೆಯಲಿ ನಾನು ಅವಳು ಮುಕ್ತ
ನನ್ನ ಮನವು ಜಗದ
ಉಯ್ಯಾಲೆಯಲ್ಲಿ ಕುಳಿತು
ತೂಗಿ ನಲಿದು ಒಲಿದು
ತಂಗಾಳಿ ಬರಸೆಳೆದು ಹೇಳಿತು
ಅವಳೊಂದು ಮುಕ್ತ ಮುಕ್ತ ಕಾವ್ಯ
*****
