ಕೆಂಬಕ್ಕಿ

ಈ ಇವನು
ಆಕಾಶದಲ್ಲಿ ಬೇರು ಭೂಮಿಯಲ್ಲಿ ಚಿಗುರು
ಬೇವಿನ ಬುಡಕ್ಕೆ ಬೆಲ್ಲದ ನೀರು ಹಾಕುವ ನಟನಾ ಚತುರ
ಬರೀ ಬೋಳುಮರ; ಕಾಂಡವೆಲ್ಲ ಪೊಟರೆ
ಮೇಲೊಂದು ಎರವಲು ವರ್ಣತೆರೆ.
ಆದರೇನಂತೆ-
ಅರೆಬರೆ ಕಂಡದ್ದರಲ್ಲಿ ಅಷ್ಟಿಷ್ಟು ಗಿಟ್ಟಿಸಿಕೊಂಡು
ಸದಾ ಷೇಕ್ಸ್‍ಪಿಯರ್ ವರ್ಡ್ಸ್‌ವರ್ತ್ ಶೆಲ್ಲಿಯ ಸಿಳ್ಳೆಹಾಕಿ
ಸಮಯಕ್ಕೆ ಸರಕಿರಲೆಂದು ಕಷ್ಟಪಟ್ಟು ಕಲಿತ ಅವರಿವರ
ಅರ್ಧಂಬರ್ಧ ವಚನ
ಗತಿಬಿಟ್ಟು ಶ್ರುತಿಗೆಟ್ಟು ಹರಿದ ತಂತಿಯನ್ನೇ ಗಂಟುಹಾಕಿ
ಕೊರೆವ ವೀಣಾವಾದನ.
ಈ ನೆಲದ ವಾಸನೆಗೆ ಮೂಗು ತೆಗೆಯುತ್ತೇನೆಂದು
ಬಾಯಿ ತೆಗೆದು
ಗಡಿಯಾಚೆ ಗಡಂಗಿನಲ್ಲೇ ಕಿವಿಯಿಟ್ಟು ಹರುಕು-
ಮರುಕು ಮುಕ್ಕಿದ್ದಕ್ಕೆ ಧ್ವನಿವರ್ಧಕ ಸಾಧನ.
ದೇಶಭಾಷಾ ಸಾಹಿತ್ಯ ಕಲೆಗಳಿಗೆ ಮಾತ್ರ ಕೋಶಕೋಶವನ್ನೆಲ್ಲ
ಪಚಪಚನೆ ಅರೆಬರೆ ಅಗಿದು ಉಗುಳುವ ಈ ಇವನು
ಮಿಕಿಮಿಕಿ ನೋಡಿದ ಆಂಗ್ಲ-ಅಮೇರಿಕನ್ನರ ಚರ್ಮ ಹೊದೆದ ಮಿಕ.

ಒಟ್ಟಿನಲ್ಲಿ ಹೇಳಬೇಕೆ ?
ಇದೊಂದು ರೆಡಿಮೇಡ್ ರಬ್ಬರ್ ಹಕ್ಕಿ
ಕೆಂಬಕ್ಕಿ
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post Bertolt Brecht, ಮತ್ತಾತನ ಎಪಿಕ್ ಥೇಟರ
Next post ಪ್ರೀತಿ ಸಂತಾನ

ಸಣ್ಣ ಕತೆ

  • ತಿಮ್ಮರಾಯಪ್ಪನ ಬುದ್ಧಿವಾದ

    ಪ್ರಕರಣ ೧೧ ಮಾರನೆಯ ದಿನ ತನ್ನ ಮೀಟಂಗ್ ಕೆಲಸವನ್ನು ಮುಗಿಸಿಕೊಂಡು ತಂಗಿಯ ಮನೆಯಲ್ಲಿ ಊಟಮಾಡಿಕೊಂಡು ರಾತ್ರಿ ಎಂಟು ಗಂಟೆಗೆ ತಿಮ್ಮರಾಯಪ್ಪನ ಮನೆಗೆ ರಂಗಣ್ಣ ಹೊರಟನು. ಆ ದಿನ… Read more…

  • ಕನಸು ದಿಟವಾಯಿತು

    ಪ್ರಕರಣ ೨ ಸೂರ್ಯೋದಯವಾಯಿತು. ನಿತ್ಯ ಕರ್ಮಗಳನ್ನು ಮುಗಿಸಿಕೊಂಡು ಕಾಫಿ ಸೇವನೆಯನ್ನು ಮಾಡುತ್ತಾ ರಂಗಣ್ಣನು ಹೆಂಡತಿಗೆ ಕನಸಿನ ಸಮಾಚಾರವನ್ನು ತಿಳಿಸಿದನು. ಆಕೆ- ಸರಿ, ಇನ್ನು ಈ ಹುಚ್ಚೊಂದು ನಿಮಗೆ… Read more…

  • ಯಾರು ಹೊಣೆ?

    "ಧಡ್....... ಧಡಲ್........ ಧಡಕ್" ಗಾಡಿ ನಿಂತಿತು. ಹೊರಗೆ ಮೋರೆಹಾಕಿ ನೋಡಿದೆ. ಕತ್ತಲು ಕವಿದಿತ್ತು. ಚುಕ್ಕೆಗಳು ಪಕಪಕ ಕಣ್ಣು ಬಿಡುತ್ತಿದ್ದವು. ಮೂಡಲ ಗಾಳಿ "ಸಿಳ್" ಎಂದು ಬೀಸುತ್ತಿತ್ತು. ನಾನು… Read more…

  • ತಿಮ್ಮರಯಪ್ಪನ ಕಥೆ

    ರಂಗಣ್ಣ ಎರಡು ತಿಂಗಳು ಕಾಲ ರಜ ತೆಗೆದು ಕೊಂಡು ಬೆಂಗಳೂರಿಗೆ ಬಂದು ವಾಸಮಾಡುತ್ತಿದ್ದನು. ಶಿವಮೊಗ್ಗದಲ್ಲಿ ಪಿತ್ತವೇರಿಸುವ ತುಂಗಾಪಾನವನ್ನು ನಿತ್ಯವೂ ಮಾಡಿ, ಕಿವಿ ಮೂಗು ಬಾಯಿಗಳಿಗೆಲ್ಲ ಮುಸುರುವ ಸೊಳ್ಳೆಗಳ… Read more…

  • ಕಲ್ಪನಾ

    ಚಿತ್ರ: ಟಾಮ್ ಬಿ ಇದು ಇಪ್ಪತ್ತು ವರ್ಷಗಳ ಹಿಂದಿನ ಕಥೆ! ಮಾತನಾಡುವ ಸಿನಿಮಾ ಪ್ರಪಂಚ ಅದೇ ಆಗ ದಕ್ಷಿಣ ಭಾರತದಲ್ಲಿ ತಲೆಯೆತ್ತಿದ್ದಿತು! ಸಿನಿಮಾದಲ್ಲಿ ಪಾತ್ರವಹಿಸುವ ನಟಿನಟಿಯರನ್ನು ಅಚ್ಚರಿಯ… Read more…