ಪತ್ರ

ಜೆರುಸಲೆಮ್ಮಿನ ಹೋಟೆಲಿನ ವೆರಾಂಡದಲ್ಲಿ ಕುಳಿತು
ಹೀಗೆ ಬರೆಯುವುದೇ ‘ಮರುಭೂಮಿಯಿಂದ ಸಾಗರದತ್ತ
ಸುಂದರ ದಿನಗಳು ಸಾಗಿ ಬರುತಿವೆ’? ಅಥವ ಹೀಗೆ
‘ಇಲ್ಲಿ ಈ ಜಾಗದಲ್ಲಿ ಕಾಣುತ್ತಿರುವ ಗುರುತು
ನನ್ನ ಕಂಬನಿ ಬಿದ್ದು ಇಂಕು ಕಲಸಿ ಹೋದದ್ದರ ಗುರುತು’?
ನೂರು ವರ್ಷದ ಹಿಂದೆ ಹೀಗೆ ಬರೆದು ‘ಅದರ ಸುತ್ತ
ಗುಂಡಗೆ ಗೆರೆ ಎಳೆದಿದ್ದೇನೆ’ ಅನ್ನುವ ಮಾತು ಸೇರಿಸುತ್ತಿದ್ದರು.
ಕಾಲ ಕಳೆಯುತ್ತಿದೆ… ಫೋನಿನಲ್ಲಿ ದೂರದವರು
ಅಳುತಲೋ ನಗುತಲೋ ಇರುವಂತೆ:
ಕೇಳಿಸುವುದು ಕಾಣಿಸುತ್ತಿಲ್ಲ,
ಕಾಣಿಸುತಿರುವುದೇನೂ ಕೇಳಿಸುತ್ತಿಲ್ಲ,
‘ಮುಂದಿನ ವರ್ಷ’ ಅಂದಾಗ, ‘ಹೋದ ತಿಂಗಳು’ ಅಂದಾಗ
ಮೈ ಮೇಲೆ ಎಚ್ಚೆರ ಇರುವುದಿಲ್ಲ.
ಒಡೆದ ಗಾಜಿನ ಚೂರುಗಳು ಈ ಮಾತುಗಳು
ಗಾಯ ಮಾಡಿ ರಕ್ತ ಹರಿಸುತ್ತವೆ.
ನೀನು ಸುಂದರಿ, ಪ್ರಾಚೀನ ಗ್ರಂಥದ ವ್ಯಾಖ್ಯಾನದಂತೆ.
ನಿಮ್ಮ ದೇಶದಲ್ಲಿ ಹೆಂಗಸರ ಸಂಖ್ಯೆ ಹೆಚ್ಚೆಂದು
ಇಲ್ಲಿಗೆ ಬಂದು ನನಗೆ ಸಿಕ್ಕಿದೆ.
ಈಗ ಬೇರೆ ಸ್ಟಾಟಿಸ್ಟಿಕ್ಸು ನಮ್ಮನ್ನು ದೂರ ಮಾಡಿದೆ.
ಬದುಕುವುದೆಂದರೆ ಹಡಗನ್ನೂ
ಬಂದರನ್ನೂ ಒಟ್ಟಿಗೆ ಕಟ್ಟುವ ಕೆಲಸ.
ಹಡಗು ಮುಳುಗಿಹೋದ ಮೇಲೂ
ಬಂದರನ್ನು ಪೂರ್‍ಣವಾಗಿಸುವ ಜವಾಬ್ದಾರಿ.
ಕೊನೆಯದಾಗಿ, ನನಗೆ ನೆನಪಿರುವುದು ಇಷ್ಟೆ :
ಮಂಜು ಕವಿದಿತ್ತು.
ಕೇವಲ ಕವಿದ ಮಂಜನ್ನಷ್ಟೆ
ನೆನಪಿಟ್ಟುಕೊಂಡಿರುವವರು….
ಏನನ್ನು ತಾನೇ ಜ್ಞಾಪಕ ಇಟ್ಟುಕೊಂಡಿರಲು ಸಾಧ್ಯ, ಹೇಳು?
*****
ಮೂಲ: ಯೆಹೂದಾ ಅಮಿಛಾಯ್

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಎಲ್ಲ ದೇವನ ಮಂದಿರನ!
Next post ಮೈ ಝುಮ್ಮಾಗುವ ಸುಳ್ಳು

ಸಣ್ಣ ಕತೆ

  • ಮೌನವು ಮುದ್ದಿಗಾಗಿ!

    ಮೋಹನರಾಯರು ರಗ್ಗಿನ ಮಸಕು ತೆಗೆದು ಸುತ್ತಲೂ ನೋಡಲು ಇನ್ನೂ ಎಲ್ಲವೂ ಶಾಂತವಾಗಿಯೇ ಇದ್ದಿತು. ಬೆಳಗಿನ ಜಾವವು ಜಾರಿ, ಸೂರ್ಯನು ಮೇಲಕ್ಕೇರಿದುದು ಅವರಿಗೆ ಅರಿವೇ ಇರಲಿಲ್ಲ. ಅಷ್ಟು ಗಾಢ… Read more…

  • ಸಾವು

    ಈ ಗೊಂಡಾರಣ್ಯದಲ್ಲಿ ನಾನು ಬಂದುದಾದರೂ ಹೇಗೆ? ಅಗೋ ಅಲ್ಲಿ ಲಾಸ್ಯವಾಗಿ ಬಳುಕುತ್ತಾ ನಲಿಯುತ್ತಾ ತುಂತುರು ತುಂತುರಾಗಿ ಮುತ್ತಿನ ಹನಿಗಳನ್ನು ಪ್ರೋಕ್ಷಿಸುತ್ತಿರುವ ಝರಿಯ ರಮಣೀಯತೆಯನ್ನೂ ಮೀರುವಂತಹ ಭಯಾನಕತೆ ವ್ಯಾಪಿಸಿದೆಯಲ್ಲಾ… Read more…

  • ಮಲ್ಲೇಶಿಯ ನಲ್ಲೆಯರು

    ಹೇಮರಡ್ಡಿ ಪ್ರಭುಗಳು ಒಂದು ಊರಿನ ದೇಸಾಯರು. ಆ ಗ್ರಾಮದ ಉತ್ಪನ್ನವು ಆರೇಳು ಸಾವಿರ ರೂಪಾಯಿ ಇರುವದಲ್ಲದೆ ದೇಸಾಯರಿಗೆ ತೋಟ ಪಟ್ಟಿ ಮನೆಯ ಒಕ್ಕಲತನಗಳಿಂದಾದರೂ ಪ್ರಾಪ್ತಿಯು ಚನ್ನಾಗಿತ್ತು. ಅವರೊಂದು… Read more…

  • ಏಡಿರಾಜ

    ಚಲೋ ವಂದು ಅರಸು ಮನಿ, ಗಂಡ-ಹೆಂಡ್ತಿ ದೊಡ್ಡ ಮನ್ತಾನದಲ್ ಆಳ್ಕತಿದ್ರು. ಆವಾಗೆ ಆ ಅರಸೂಗೆ ಗಂಡ್ ಹುಡ್ಗರಿಲ್ಲ. ಸಂತತ್ಯಲ್ಲ, ಇದ್ರದು ನಿಚ್ಚಾ ಕೆಲ್ಸಯೇನಪ್ಪ ಅರಸು ಹಿಂಡ್ತಿದು, ಮನಿ… Read more…

  • ಕನಸುಗಳಿಗೆ ದಡಗಳಿರುದಿಲ್ಲ

    ಬೆಳಗ್ಗಿನ ಸ್ನಾನ ಮುಗಿಸಿದ ವೃಂದಾ ತನ್ನ ರೂಮಿಗೆ ಬಂದು ಬಾಗಿಲುಹಾಕಿಕೊಂಡು ಕನ್ನಡಿಯಲ್ಲಿ ತನ್ನ ದೇಹ ಸಿರಿಯನ್ನೊಮ್ಮೆ ನೋಡಿಕೊಂಡಳು. ಯಾಕೋ ಅವಳ ಮೈ - ಮನ ಒಮ್ಮೆ ಪುಲಕಿತವಾಯಿತು.… Read more…

cheap jordans|wholesale air max|wholesale jordans|wholesale jewelry|wholesale jerseys