ಕನ್ನಡ ನಲ್ಬರಹ ತಾಣ
ಬಂದ ವಸಂತ ಬಂದ ಇದೋ
ಸೃಷ್ಟಿಗೆ ಪುಳಕವ ತಂದ ಇದೋ
ಮರಮರದಲು ಚಿಗುರಿನ ಗಣಿಯ
ಹಕ್ಕಿಯ ಉಲ್ಲಾಸದ ದನಿಯ
ತೆರೆಸಿದ, ಮಂದಾನಿಲನನು ಕರೆಸಿದ
ಹರಸಿದ ಹೊಲಗದ್ದೆಗೆ ತೆನೆಯ.
ತೆಳುಮುಗಿಲನು ನೀಲಿಯ ನಭಕೆ
ತಿಳಿಭಾವವ ಜನಮಾನಸಕೆ,
ಹೊಳೆಯುವ ಹಸಿರಿನ ಬಣ್ಣದ ಶಾಲನು
ಮರಳಿ ಹೊದೆಸಿ ಗಿಡಮರ ವನಕೆ.
ಹಸಿರು ಮರಗಳ ಮಾಡಿನಲಿ
ಬಣ್ಣದ ಎಲೆಗಳ ಗೂಡಿನಲಿ
ಮರಿಗಳ ಕೂಡಿ ನಲಿಯುವ ಹಕ್ಕಿಯ
ಸಂತಸ ಚಿಮ್ಮಿಸಿ ಹಾಡಿನಲಿ.
ಅರುಣನ ಬೆನ್ನಿಗೆ ಎಳ ಬಿಸಿಲ
ಬೆಳೆಯುವ ಗದ್ದೆಗೆ ಹೊಸ ಫಸಲ,
ತೂಗುವ ಗಾಳಿಗೆ ಆಡುವ ತೆನೆಯ
ಬಾಗಿ ತಬ್ಬಿ ಕೇಳುತ ಕುಶಲ.
*****
ಅವಳು ಯಾವ ಹುಡುಗರ ಜೊತ ನಿಂತು ಮಾತನಾಡಿದರೂ ಶ್ರೀಕಾಂತನಪಾಲಿಗೆ ಆ ಹುಡುಗರು ವಿಲನ್ಗಳಂತೆಯೇ ಭಾಸವಾಗುತ್ತಿದ್ದರು. ಅವಳು ತನ್ನ ಕಾಲೇಜಿನ ಲೆಕ್ಚರರ್ಗಳು ಪಾಠ ಮಾಡುವ ವೈಖರಿ ಸ್ಟೈಲು ಹೈಲುಗಳ ಕುರಿತು ಬಣ್ಣಿಸುವಾಗಲೂ ಕೇಳಲಾಗದೆ ಶ್ರೀಯ ಹೊಟ್ಟೆಯಲೆಲ್ಲಾ ತಳಮಳ. ಅಷ್ಟೇಕೆ ಅವಳು ತನ್ನ ತ...
೧ ಗೌರಿಯ ಹಬ್ಬವು ಕಳೆದು ಕೆಲವು ದಿನಗಳಾಗಿದ್ದುವು. ಭಾಗೀರಥಮ್ಮನೂ ಅವಳ ಜೊತೆಯ ಹುಡುಗಿಯರೂ ಒಂದೊಂದು ದಿನವನ್ನು ಕಳೆಯುವುದೂ ಒಂದೊಂದು ಯುಗವನ್ನು ಕಳೆದಂತೆ ಕಷ್ಟವಾಗಿದ್ದಿತು. ಅವರು ಎಷ್ಟು ಕುತೂಹಲದಿಂದ ಬಯಸಿದರೂ ದಿನಗಳು ಬೇಗ ಬೇಗ ಉರುಳಲೊಲ್ಲವು. ಒಂದು ದಿನ ಅವರೆಲ್ಲರೂ ಸೇರಿ ಕವಡೆಯ...
