ನವಿಲಿನ ಕಣ್ಣಿನ ಬಣ್ಣವ ಹಿಡಿದು
ಮುಳುಗುವ ಸೂರ್ಯನ ಕಿರಣವ ತಡೆದು
ಮಾರ್ಗದ ಮಧ್ಯೆ ನಿಲ್ಲಿಸುವವರು
ಪೋಸ್ಟರ್ ಬರೆಯುವ ಅನಾಮಿಕರು
ರೆಡ್ಡಿಯಂಗಡಿ ಅಟ್ಟದ ಮೇಲೆ
ಬಣ್ಣ ಬಣ್ಣಗಳ ಸರಮಾಲೆ
ಸಕ್ಕರೆ ಕಾರ್ಖಾನೆಯಲಿ ನಾಳೆಯಿಂದ ಸಂಪು
ಅದಕೆಂದೇ ಇಲ್ಲಿ ಇಷ್ಟೊಂದು ಕೆಂಪು
ಕೆಂಪು ಕ್ರಾಂತಿಯ ಸಂಕೇತ
ಗುಂಪು ಎಂದರೆ ಓತಿಕೇತ
ಎಲ್ಲಾ ಗುಂಪಿನ ತೃಪ್ತಿ
ಪೋಸ್ಟರ್ ಬರೆವ ಮಂದಿಯ ನೀತಿ
ನಾಟಕದವರಿಗು ಬೇಕು
ಸಿನಿಮಾದವರಿಗು ಬೇಕು
ಲಾಟರಿ ಮಾರುವ ನಾಯಕರೇ
ರಾಜಕೀಯದ ನಾಯಕರೇ
ಪೋಸ್ಟರ್ ಎಂದರೆ ಎಲ್ಲರಿಗೂ
ಹಲ್ಲಿನ ನಡುವೆ ಹೊಗೆಯುವ ಬೀಡಿ
ತಲೆಗೂದಲು ಹಾರಾಡಿ
ಮೂಗಿನ ತುಂಬಾ ನೆಗಡಿ
ಒರೆಸಲು ನಿಲುವಂಗಿಯ ಕೈಯೆ
ಕೈಗೂ ತಿಳಿಯದು ಕುಂಚದ ಮಾಯೆ
ತಿಳಕೊಳ್ಳಿರಿ ಅದು ಬಿಚ್ಚುವ ಚಿತ್ರ
ನಾಳಿನ ವಿಶ್ವದ ಸ್ಯಾಂಪಲ್ ಮಾತ್ರ
*****
