ಪ್ಯಾರಿ ನಗರ

ಫ್ರೆಂಚ್ ಕ್ರಾಂತಿಯ
ಅರುಸೊತ್ತಿಗೆಗಳ ವೈಭವದ ದಾಖಲೆಗಳ
ಸ್ತಂಭಗಳಡಿಯಲಿ ಭೀಭತ್ಸ ರಕ್ತದ
ವಾಸನೆಯ ಗೊರಲಿಗಳು
ಶತ ಶತಮಾನಕ್ಕೂ ಕಥೆಗಳನ್ನು ಹೇಳುತ್ತಲೇ ಇವೆ.
ಚಕ್ರವರ್ತಿಗಳ ದರ್ಪ, ಅರಮನೆ
ಓಪೆರಾ, ಕಾನಕಾರ್ಡ್ ಚೌಕ ನೋಡುತ್ತಿದ್ದಂತೆಯೇ
ಐಫಲ್ ಟವರ್‌ದ ತುತ್ತ ತುದಿಗೇರುತ್ತೇನೆ.
ಮೋನಾಲಿಸಾ ನಗುತ್ತಾಳೆ
ಯಾರಿವಳು ಎಂದು ದಿಟ್ಟಿಸಿ ನೋಡುವಾಗ
ಸೊಕ್ಕಿನ ಮೃದು ಹೆಣ್ಣಾಗಿ ಗಂಭೀರವಾಗುತ್ತಾಳೆ.
ಚರ್ಚಿನ ಪಾದ್ರಿಗಳು ಬೆಚ್ಚನೆಯ ಉದ್ದನೆಯ
ಬಟ್ಟೆಯೊಳಗೆ, ತಿಳಿ ಬೆಳಕಿನ ಕಿರಣಗಳೊಳಗೆ
ಮಾನವೀಯತೆಯ ಮೇರುತ್ವ ಹೇಳುತ್ತಿದ್ದರೆ
ಕಲಾಕಾರರು ನೆಳಲು ಬೆಳಕಿನೊಳಗೆ
ಅರೆನಗ್ನ ಚಿತ್ರಗಳ. ನಿಸರ್ಗಗಳ
ಕಲ್ಪನಾತೀತ ಮಿಂಚುಗಳನ್ನು ಹರೆಯಿಸಿದ್ದಾರೆ.
ಝಗ ಝಗಿಸುವ ‘ಶ್ಯಾಸ್’
ಫ್ಯಾಶನ್‌ಹೌಸ್ ಸುಗಂಧ ಹೊಳೆಯೊಂದಿಗೆ
ತೇಲುವ ಸೀಮೋಲ್ಲಂಘನ
ವಿಜ್ಞಾನ ತಂತ್ರಜ್ಞಾನಗಳಿರುವಾಗ
ಮತ್ತೊಂದೆಡೆ ಜಿಗುಪ್ಸಿಸುವ
ಕ್ಯಾಬರೆಗಳಲ್ಲಿ ಮೈಮರೆತ
ಜನರನ್ನು ನೋಡಿ ನಮ್ಮ
ಮುದಿ ಯಕ್ಷಗಂಧರ್ವರೂ
ಮೇನಕಾ ತಿಲೋತ್ತಮೆಯರೂ
ನಾಚಿ ಹೊಟ್ಟೆ ಉರಿಸಿಕೊಳ್ಳುತ್ತಾರೇನೋ –

ಬೆಳಕಿಗೆ ಕರಗದ ಬಜಾರುಗಳು ನೋಡಿ
ಸುಸ್ತಾದ ಸೂರ್ಯ
ತಾನೂ ನಾಚಿಕೆ ಬಿಟ್ಟು
ಗಿಡಮರಗಳ ಸಂದಿಗೊಂದಿಗಳೊಳಗಿಂದ ಹಾಯ್ದು
ಕನ್ನೆಯರ ಕೆನ್ನೆ ಕಚ್ಚುತ್ತಾ
‘ತೆರಿ ಪ್ಯಾರಿ ಪ್ಯಾರಿ ಪ್ಯಾರಿಸ್ ಸೂರತ್ ಕೋ’
ಎಂದು ಕಣ್ಣುಹೊಡೆದು
ಸಿಳ್ಳು ಹೊಡೆಯುತ್ತ ತಿರುಗುತ್ತಿದ್ದಾನೆ.
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಹೊಸ ಹರಯದಲಿ ಹೂವು
Next post ಲಿಂಗಮ್ಮನ ವಚನಗಳು – ೯

ಸಣ್ಣ ಕತೆ

  • ಇಬ್ಬರು ಹುಚ್ಚರು

    ಸದಾಶಿವನಿಗೆ ಹೀಗೆ ಹುಚ್ಚನಾಗಿ ಅಲೆಯುವ ಅಗತ್ಯ ಖಂಡಿತಕ್ಕೂ ಇರಲಿಲ್ಲ. ಅವನಿಗೊಂದು ಹಿತ್ತಿಲು ಮನೆಯೂ, ಹಿತ್ತಿಲಲ್ಲಿ ಸಾಕಷ್ಟು ಫಲ ಕೊಡುವ ಗೇರು ಮರಗಳೂ ಇದ್ದವು. ದಿನಕ್ಕೆ ಸಾವಿರ ಬೀಡಿ… Read more…

  • ಬಾಗಿಲು ತೆರೆದಿತ್ತು

    ಆ ಮನೆಯ ಮುಂದಿನ ಬಾಗಿಲು ಯಾವಾಗಲೂ ಇಕ್ಕಿರುವುದು! ನನ್ನ ಓದುವ ಕೋಣೆಯ ಕಿಡಿಕೆಯೊಳಗಿಂದ ಆ ಮನೆಯ ಬಾಗಿಲು ಕಾಣುವುದು. ನಾನು ಕಿಡಿಕೆಯೊಳಗಿಂದ ಎಷ್ಟೋ ಸಲ ಅತ್ತ ಕಡೆ… Read more…

  • ಲೋಕೋಪಕಾರ!

    ಸಾಥಿ ಶಿವರಾವ ಅವರಿಗೆ ಬಹು ದೊಡ್ಡ ಚಿಂತೆ! ಅವರು ಅನೇಕ ಪ್ರಶ್ನೆಗಳನ್ನು ಬಹು-ಸರಳವಾಗಿ ಬಿಡಿಸುತ್ತಿದ್ದರು. ಪರೀಕ್ಷೆಯಲ್ಲಿ ಅನೇಕ ಪ್ರಶ್ನೆಗಳಿಗೆ ಉತ್ತರ ಬರೆದಿದ್ದಾರು. ಆದರೆ ಎಂತಹ ದೊಡ್ಡ ಪ್ರಶ್ನೆ… Read more…

  • ಅಹಮ್ ಬ್ರಹ್ಮಾಸ್ಮಿ

    ಬಹುಶಃ ಮೊದಲ ಬಾರಿ ನಾನು ಅವನನ್ನು ನೋಡುತ್ತಿರಬೇಕು. ಅವನು ಅಕಸ್ಮತ್ತಾಗಿ ನನ್ನ ಕಣ್ಣಿಗೆ ಬಿದ್ದನೋ, ಅಲ್ಲಾ ಅವನೇ ನಾನು ಕಾಣುವ ಹಾಗೆ ಎದುರಿಗೆ ಬಂದನೋ ಎಂಬ ವಿಷಯದಲ್ಲಿ… Read more…

  • ಮರೀಚಿಕೆ

    ನಂಬಿದರೆ ನಂಬಿ ಬಿಟ್ಟರೆ ಬಿಡಿ ನನ್ನೆಲ್ಲಾ ಭಾವನೆಗಳೂ ತಬ್ಬಲಿಗಳಾಗಿಬಿಟ್ಟಿವೆ. ಪ್ರೇಮವೆಂದರೆ ತ್ಯಾಗವೆ, ಭೋಗವೆ, ಭ್ರಮೆಯೆ ಆಥವಾ ಕೇವಲ ದಾಸ್ಯವೆ? ಮನಸ್ಸಿಗಾದ ಗ್ಯಾಂಗ್ರಿನ್ ಕಾಯಿಲೆಯೆ? ಇಂತಹ ದುರಾರೋಚನೆಗಳು ಹುಟ್ಟಲು… Read more…

cheap jordans|wholesale air max|wholesale jordans|wholesale jewelry|wholesale jerseys