ಕನ್ನಡ ನಲ್ಬರಹ ತಾಣ
ರಂಗಸ್ಥಳ, ತಾರಾಪಥ
ಲೀಲಾಮಯ ಜಗವು
ತೇಜೋಬಲ, ಸ್ಫುರಣದ್ರವ
ಕವಿ ಕ್ರೀಡಾವನವು.
ಗಾಯನ ವೀಣಾವಾತನ
ಸಾಧನವಾದನೆಯು
ಆರಾಧನೆ, ರಸಸ್ವಾದನೆ
ವೈಣಿಕನಾದೋಪಾಸನವು.
ಮೋಹಿನಿ, ನೃತ್ಯಪರಾಯಿಣಿ
ಕಂಕಣ ಝಂಕೃತಿಯು
ಮುಖಭಂಗಿಯ ಭಾವತರಂಗವು
ರೂಪಾರಾಧನಚೇತನವು.
ಬಾನ್ಬಯಲಿನ, ತಾಣ್ ನೆಳಲಿನ
ಪಾರಾತ್ಪರ ಜೋಡಣೆಯು
ವಿಹಾರಿಯ ಕ್ರೀಡಾಪರಿ
ಸೊಬಗಿನಖನಿ ಭೂಷಣವು.
ಕಲೆಗಾರರ ಇಡಿ ಜೀವನ
ಉದ್ಭಾವನ ಕ್ರೀಡನೆಯು
ಇತಿಹಾಸದಿ ಉಪಾಸನೆ
ಲೀಲಾಮೋದನವು.
*****
“ಮಮ್ಮಿ ! ಮಮ್ಮಿ ! ಬೇಗ ಬಾ” “ಅಡಿಗೆ ಮಾಡುತ್ತಾ ಇದ್ದೇನೆ, ಯಾಕೆ ಕಿರಿಚಿಕೊಳ್ಳುತ್ತಾ ಇದ್ದಿಯಾ ರೋಜಿ? ಬರುತ್ತೀನಿ ತಾಳು” ಎಂದಳು ಕೆಲಸದಲ್ಲಿ ನಿರತ ತಾಯಿ. “ಮಮ್ಮಿ! ಒಂದು ನಿಮಿಷ ಬಂದು ನೋಡು, ಕಾಗೆ ಪುಟ್ಟ ಅಳಿಲನ್ನು ಕುಕ್ಕಿ ನೋವು ಮಾಡುತ್ತಾ ...
“ಭಟ್ಟರೇ, ನಿಮಗೆ ಹೇಳಲೊ? ಇಘ್ನೇಶ್ವರರಾಯರು ಅಂದರೆ ನಮ್ಮ ಜಾತಿಗೇ ಭೂಷಣ. ಅವರು ವಕೀಲಿ ಮಾಡಲು ಸುರು ಮಾಡಿದಂದಿನಿಂದ ಬೇರೆ ಜಾತಿಯವರ ಸೊಕ್ಕು ಮುರಿದಿದೆ. ಈಗ ಶೆಟ್ಟಿ ಶಾನಬೋಗರೆಲ್ಲ ಅವರಿಗೆ ರಾಯರೇ ಎಂದು ಸಲಾಮು ಮಾಡುವವರೇ! ನಿಮಗೆ ಹೇಳಲೊ? ಅದು ಒಬ್ಬೊಬ್ಬರ ಜನ್ಮಕುಂಡಲಿ ಇದ್ದ...
