ಮುಚ್ಚಂಜೆ

೧
ಸುಳಿಗಾಳಿ ತೀಡುತಿತ್ತು, ಮೆಲುನಗೆಯು ಮೂಡುತಿತ್ತು
ಮೂಡಲಲಿ ವೈಭವವು ನಲಿದಾಡುತಿತ್ತು;
ಸೀರುಂಬೆ ಸೀರುತಿತ್ತು, ಜತೆಗೂಡಿ ಜಾರುತಿತ್ತು
ವೈಭವದಿ ಸೊಬಗಿನಲಿ ಆಡುತಿತ್ತು;
ನಿಶೆಜಾರಿ ಚಲಿಸಿತ್ತು, ಉಷೆ ಬೀರಿ ನಲಿದಿತ್ತು
ತಿಳಿ ಹೊಳೆಯ ಬಾನಿನಲಿದೋರಿತ್ತು.

೨
ಆರುತಿತು ಚುಕ್ಕಿಗಳು, ಹಾರುತಿತು ಹಕ್ಕಿಗಳು
ಮೋದದಲಿ ಏರುತಿತು ಮುಗಿಲು;
ನಿರವನಿತೆ ಜಾರಿದಳು, ಸಿರಿವನಿತೆ ಹಾರಿದಳು
ಕಾಂತಿಯಲಿ ರಂಜಿಸುತ ಹಗಲು;
ಮಾಯೆ ತೂರಿದಳು, ಛಾಯೆ ಸಾರಿದಳು
ಉನ್ನತದಿ ಪ್ರತಿಭೆಯನ್ನು ನೆಡಲು.

೩
ತಿಳಿ ಹೊಳೆಯ ಬಾನಿನಲಿ, ಮಿಸುನಿ ಹೊಳೆ ಕಿರಣದಲಿ
ಮೇದಿನಿಯು ಮಿನುಗುತಿತು ಸ್ವರ್ಣದಲಿ;
ಮೇಳೆಯಲಿ ತೇಲಿನಲಿ, ಮುಗುಳು ಲಾಲಿಯಲಿ
ತೂಗುತಿತು ಕುಡಿಯಲ್ಲಿ ಬಾಳಿ;
ಸಕಲಸಂಮಿಳತದಲಿ, ಸೌಹಾರ್ದಸಂಮೇಲನದಿ
ಮುಚ್ಚಂಜೆ ಕೂಡಿತ್ತು ಭುವಿಯಲ್ಲಿ.
*****