ನುಡಿ ಮನವೆ ನುಡಿ ಮನವೆ
ಕನ್ನಡ ನನ್ನದೆಂದು ನುಡಿ ಮನವೆ
ನುಡಿಯಿದುವೆ ನವ ಚೇತನವು ಬಾಳಿಗೆ||
ನುಡಿಯದಿರಲೇನು ಚೆನ್ನ
ನುಡಿ ಇದುವೆ ಕಸ್ತೂರಿ ರನ್ನ ನೀ ತಿಳಿಯೆ||
ತಾಯ್ ನುಡಿಯಿದುವೆ
ಸವಿ ಜೇನು ಸಿಹಿ ಜೇನು
ಸವಿಯದಿರಲೇನು ನೀನು
ನೆಲೆಯಿಲ್ಲದಿರಲೇನು ಮೈಲಿಗೆ
ಕನ್ನಡವೇ ಸತ್ಯವೆಂದ ಮನಕೆ||
ಅಂಬಾ ಎಂದ ಕರುವೂ
ಅಮ್ಮನೆಂದ ಮಗುವೂ
ಕಂದನ ಕರೆಯ ಓ ಗೊಟ್ಟ ಮನವೂ
ಕಂಪನು ಸೂಸಿ ನಲಿಯಲು ತನುವು
ಮಮತೆಯ ತಾಯ ನುಡಿಯಿದುವೆ
ಆನಂದದಾ ಹೊನಲು||
ಬಾಳೆ ಬಾಗಿರಲೇನು
ಹಸಿರೇ ಹಾಸಿರಲೇನು
ಯಾವ ತಾಯ ಮಡಿಲ
ಹೂವಾಗಿರಲೇನು ನೀ ತಿಳಿಯೆ
ನುಡಿಯದಿರಲೇನು ಚೆನ್ನ
ಕನ್ನಡವೇ ಕಸೂರಿ ತಿಳಿಯದಿರಲೇನು ಚೆನ್ನ
ಕನ್ನಡವೇ ಸತ್ಯ ನಿತ್ಯ ಚೇತನವಾಗುಮನವೇ
*****
