ಗುಲಾಬಿ ಹೂ ಅರಳಲು
ಬೆಳಗಿಗಾಗಿ ಕಾತರಿಸುತಿತ್ತು
ನಿನ್ನ ದರುಶನಕ್ಕಾಗಿ ಕೃಷ್ಣ
ನನ್ನ ಮನಚಡಿಪಡಿಸುತಿತ್ತು
ದೂರದಿ ಮೃಗ ಜಲವ ಕಂಡು
ಬಾಯಾರಿ ನಾ ನೋಡಿದೆ
ನಿನ್ನ ಮರೆತು ಐಹಿಕ ಸುಖವೇ
ಆತ್ಮಾನಂದವೆಂದು ನಂಬಿದೆ
ಕಾಮಿನ ಕಾಂಚನಗಳ ಅಪೇಕ್ಷೆ
ಜೀವನದ ಗುರಿ ಇದು ಎಂದೆ
ಜನ್ಮ ಜನ್ಮಗಳ ಸುತ್ತುತ್ತ ಇನ್ನು
ದಾರಿಗಾಣದೆ ನಾ ಬೆಂಡಾದೆ
ಮನದ ಚಂಚಲತೆಗೆ
ಪೂರ್ಣ ವಿರಾಮ ಎಲ್ಲಿಯದು
ನನ್ನೊಳಗೆ ನಿಂತು ಅನವರತ
ದುಡುಕುತಿದೆ ತಾಮಸ ಮನವಿದು
ಇನ್ನೂ ತಾಳಲಾಗದು ಮುಕುಂದ
ಕೈ ಹಿಡಿದು ನನ್ನನ್ನು ನಡೆಸು ಬಾ
ನಿನ್ನ ಮಾಯೆ ಲೋಭದಿ ಬಿಡಿಸಿ
ಮಾಣಿಕ್ಯ ವಿಠಲನಾಗಿ ಬಾ
*****
