ಬೀದಿ

ವ್ಯೋಮ ಮಂಡಲದೊಳಗಿನ
ರಹಸ್ಯ ಲೋಕದಂತೆ
ನೂರುಗೂಢಗಳ ಗರ್ಭದೊಳಗೇ ಅಡಗಿಸಿ
ಕಣ್‌ ಮಿಟುಕಿಸಿ ಸೆಳೆವ
ತುಂಟ ಊರೊಳಗಿನ ಈ ಬೀದಿ.

ಬಣ್ಣಬಣ್ಣಗಳ ಕನಸು
ತುಂಬಿಟ್ಟುಕೊಂಡ
ಅಂಗಡಿ ಸಾಲು
ಎಂದಿಗೂ ಯಾರೂ ಕೊಳ್ಳದ
ಕೈಗೆಟುಕದ
ಸೂರ್ಯಚಂದ್ರತಾರೆ ಎಲ್ಲ
ಬಿಕರಿಗಿಟ್ಟ ಮಾಲು.

ಝಗಮಗಿಸುವ
ಬೆಳಕಿಗೆ ಕಣ್ಣು ಬಾಡಿ
ಯಾವುದೋ ಮೋಡಿ
ಎಲ್ಲಾ ಕೊಂಡೆ
ಎಲ್ಲಾ ಉಂಡೆ ಎನಿಸಿ
ಭ್ರಮೆಗೆ ಅದ್ದುದ ಖೋಡಿ.

ಕತ್ತಲು ಕವಿದಂತೆ
ಸಾಕಿನ್ನು ಸಾಕು
ಈ ಬೀದಿ ಸಹವಾಸ
ಮನೆ ಹೊಕ್ಕು ಕದವಿಕ್ಕಿ
ಈ ಹಾಳು ಬೀದಿಗೆ
ಮತ್ತೆಂದೂ ತೆಗೆಯದಿದ್ದರಾಯಿತು ಬಾಗಿಲು!

ಮತ್ತೆ ಬೆಳಗಾಯ್ತು
ಹೇಗಿದೆ ಬೀದಿಯಲಿ ಬೆಳಕು?
ಮೆಲ್ಲಗೆ ಹಣುಕು!
ಇಷ್ಟೇ ಸಾಕು!
ಮತ್ತೆ ಸೆಳೆದು
ಮಡಿಲೊಳಗೆಳೆದು
ಗಹಗಹಿಸುತ್ತದೀ
ಮಾಯಾವಿ ಬೀದಿ!
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಅಳಬೇಕೆಂದರೆ
Next post ಋಣ

ಸಣ್ಣ ಕತೆ

  • ಮೋಟರ ಮಹಮ್ಮದ

    ನಮ್ಮಂತಹ ಈಗಿನ ಜನಗಳಿಗೆ ಹೊಲ, ಮನೆ, ಪೂರ್ವಾರ್ಜಿತ ಆಸ್ತಿ ಪಾಸ್ತಿಗಳಲ್ಲಿ ಹೆಚ್ಚು ಆದರವಿಲ್ಲೆಂದು ನಮ್ಮ ಹಿರಿಯರು ಮೇಲಿಂದ ಮೇಲೆ ಏನನ್ನೋ ಒಟಗುಟ್ಟುತ್ತಿರುತ್ತಾರೆ. ನಾವಾದರೋ ಹಳ್ಳಿಯನ್ನು ಕಾಣದೆ ಎಷ್ಟೋ… Read more…

  • ಎರಡು ಪರಿವಾರಗಳು

    ಇದು ಎರಡು ಪರಿವಾರದ ಕತೆ. ಒಂದು ಹಕ್ಕಿ ಪರಿವಾರ, ಇನ್ನೊಂದು ಮನುಷ್ಯ ಪರಿವಾರದ್ದು. ಒಂದು ಸುಂದರ ತೋಟ; ವಿಧವಿಧದ ಗಿಡ ಮರಗಳು; ಅವುಗಳ ಕವಲು ಬಿಟ್ಟ ರೆಂಬೆಗಳಲ್ಲಿ… Read more…

  • ಅಮ್ಮ

    ‘ಅಮ್ಮನ್ಗೆ ಯಿಡೀ ರಾತ್ರೆಲ್ಲ ವಾಂತಿ ಭೇದಿ ವುಬ್ಸ ಆಯಾಸ... ಕುತ್ರೂಸಾ... ಬಾಳಾ ಯೆಚ್ಕುಡ್ಮೆಯಾಗಿ ರಾಮ್ಪಾರ್ದ ಡಾಕಿಟ್ರಾತ್ರ ತೋರ್ಸಿದ್ರು ಗುಣಾಗಿಲ್ಲ! ನೀ ಆದಷ್ಟು ಗಡಾನೇ ವೂರ್ಗೆ ಬಾಣ್ಣ...’ ಸೇಕ್ರಿ,… Read more…

  • ಪತ್ರ ಪ್ರೇಮ

    ಅಂಚೆ ಇಲಾಖೆಯ ಅದೊಂದು ಸಮಾರಂಭ. ಇಲಾಖೆಯ ಸಿಬ್ಬಂದಿ ವರ್ಗದ ಕಾರ್ಯದಕ್ಷತೆ ಕುರಿತು ಕೇಂದ್ರ ಕಾರ್ಮಿಕ ಸಚಿವ ಆಸ್ಕರ್‍ ಫರ್ನಾಂಡಿಸ್ ಅಮೆರಿಕಾದಲ್ಲಿ ನಡೆದ ಒಂದು ಸತ್ಯ ಘಟನೆ ಎಂದು… Read more…

  • ಕರಿ ನಾಗರಗಳು

    ಚಿತ್ರ: ಆಂಬರ್‍ ಕ್ಲೇ ಇಶಾಂ ನಮಾಜಿಗೆ (ರಾತ್ರೆಯ ನಮಾಜು) ಮೊದಲು ಅರಬ್ಬಿ ಪುಸ್ತಕವನ್ನು ಬ್ಯಾಗಿನೊಳಗಿಟ್ಟುಕೊಂಡು, ಅದನ್ನು ದುಪಟ್ಟದೊಳಗೆ ಮರೆ ಮಾಡಿಕೊಂಡು ಓಡಿ ಬಂದ, ತರನ್ನುಮ್‌ ನೀರು ಹರಿಯುತ್ತಿದ್ದ… Read more…

cheap jordans|wholesale air max|wholesale jordans|wholesale jewelry|wholesale jerseys