ಉತ್ತರಿಸಲೇಬೇಕು ನಮ್ಮ ಪ್ರಶ್ನೆಯ ಬೇರೆ
ಯವರು; ನೀ ಮಾತ್ರವೆ ಸ್ವತಂತ್ರ, ನಾವೋ ಬಿಡದೆ
ತಿರುತಿರುಗಿ ಕೇಳುವೆವು – ನೀ ಬರಿದೆ ನಗುತಿರುವೆ,
ಮೌನದಲೆ ಮೀರಿ ಜ್ಞಾನದ ಶಿಖರಗಳ ಮೇರೆ.
ಕಡಲಲ್ಲಿ ಅಡಿಯೂರಿ ಸ್ವರ್ಗವನೆ ಮನೆ ಸಾರಿ,
ಚಿಕ್ಕೆಗಳಿಗಷ್ಟೆ ಗೂಢವ ತೆರೆದ ಮೇರುಗಿರಿ
ಸಿಗದು ಮರ್ತ್ಯರ ವ್ಯರ್ಥ ಶೋಧಕ್ಕೆ, ಮೇಲೆ ಬರಿ
ಮುಗಿಲಂಚು ಕಟ್ಟಿರುವ ಬುಡ ಮಾತ್ರ ಕಾಣುವುದು.
ತನ್ನರಿವು ಎಣಿಕೆ, ಧೃತಿ, ಆತ್ಮಸಮ್ಮಾನಗಳ
ಬಲದಲ್ಲಿ ಚಿಕ್ಕೆ ರವಿಕಿರಣ ಹಿಡಿದವ. ನಾವು
ಎಣಿಸದೆಡೆ ನಡೆದೆ ಬುವಿಮೇಲೆ, ಬಿಡು ಒಳ್ಳೆಯದೆ.
ನಿತ್ಯಸತ್ವವು ಸಹಿಸಬೇಕು ವ್ಯಥೆ ಬಾಧೆಗಳ.
ನಮ್ಮ ಧೃತಿ ಮುರಿವ ದೌರ್ಬಲ್ಯ, ಮಣಿಸುವ ನೋವು
ನಿನ್ನ ಮುಖಭಾವದಲಿ ಮಾತ್ರ ದನಿ ಪಡೆದಿದೆ.
– ಮ್ಯಾಥ್ಯು ಆರ್ನಲ್ಡ್
*****
