ಕನ್ನಡ ನಲ್ಬರಹ ತಾಣ
ಮಿನುಗೆಲೆ, ಮಿನುಗೆಲೆ, ನಕ್ಷತ್ರ!
ನನಗಿದು ಚೋದ್ಯವು ಬಹು ಚಿತ್ರ!
ಘನ ಗಗನದಿ ಬಲು ದೂರದಲಿ
ಮಿನುಗುವೆ ವಜ್ರಾಕಾರದಲಿ.
ತೊಳಗುವ ಸೂರ್ಯನು ಮುಳುಗುತಲೆ,
ಬೆಳಕದು ಕಾಣದು ಕಳೆಯುತ್ತಲೆ,
ಹೊಳಪದು ಕೊಡುತಿಹೆ ನನಗಂದು;
ತಳತಳಿಸುವೆ ಇರುಳಲಿ ನಿಂದು,
ಅಂದಾ ದಾರಿಗ ಕೆಂಗಿಡಿಗೆ
ವಂದಿಸಿ, ಹೋಗುವನಡಿಗಡಿಗೆ
ಕುಂದಲು ನಿನ್ನಯ ಮಿಣುಕು ಲವಂ
ಮುಂದಿನ ಹಾದಿಯ ಕಾಣನವಂ.
ದೂರದ ಬಾನೊಳು ಹೊಂಚುತಿಹೆ;
ಬಾರಿಗೆ ಬಾರಿಗೆ ಮಿಂಚುತಿಹೆ.
ತೋರುತ ತೋರದೆ ಮೂಡುತಿಹೆ,
ದಾರಿಗೆ ಹೊಳಪನು ಮಾಡುತಿಹೆ.
ನನಗರಿಯದೊಡೇಂ? ಇದು ಚಿತ್ರ!
ಮಿನುಗೆಲೆ! ಮಿನುಗೆಲೆ! ನಕ್ಷತ್ರ!
*****
(ಕವಿಶಿಷ್ಯ)
ಹೆರಿಗೆ ನೋವಿನಿಂದ ಸಂಕಟಪಡುತ್ತಿದ್ದ ಹೆಂಡತಿ ಗಂಗಾಳನ್ನು ಆಸ್ಪತ್ರೆಗೆ ಚಿಕ್ಕಣ್ಣ ಕರೆದುಕೊಂಡು ಬಂದಾಗ ಔಟ್ ಪೇಶಂಟ್ ವಿಭಾಗ ಗಿಜಿಗುಟ್ಟುತ್ತಿತ್ತು. ಗುಂಪುಕಟ್ಟಿ ನಿಂತಿದ್ದ ಮಹಿಳೆಯರ ಸಾಲನ್ನು ಛೇಧಿಸಿಕೊಂಡು ವೈದ್ಯರ ಮೇಜಿನ ಬಳಿ ಬಂದು ನಿಂತ ಅವನ ತೋಳುಗಳಲ್ಲಿ ಎರಡೂವರೆ ವರ್ಷದ ಮಗುವ...
“ವತ್ಸಲಾ……..!” ನಿಟ್ಟುಸುರಿನೊಂದಿಗೆ ಕುಮಾರನು ಆರಾಮ ಕುರ್ಚಿಯ ಮೇಲೆ ದೊಪ್ಪನೆ ಬಿದ್ದು ಕೊಂಡನು. ಚಿಕ್ಕಬಾಲಕನೊಬ್ಬನು ಕಿಡಿಕಿಯಲ್ಲಿ ಹಣಿಕಿ ಹಾಕಿ “ಕುಮಾರಣ್ಣ” ಎಂದು ಕೂಗಿದಂತಾಯಿತು. ಎದ್ದು ನೋಡುತ್ತಾನೆ; ಕೆಂಪು ಮಸಿಯಿಂದ ವಿಳಾಸ ಬರೆದ...
ಸಿಗರೆಟ್ನ್ನು ಕೊನೆಯ ಸಲ ಎಳೆದು ಬದಿಗಿದ್ದ ಅಶ್ಟ್ರೆಯಲ್ಲಿ ಹಾಕಿದ. ಮೂರು ದಿನಗಳಿಂದ ಹೇಳಲಾಗದಂತಹ ಯಾತನೆ ಅವನನ್ನು ಹಿಂತಿಸುತ್ತಿದೆ. ಇದ್ದಿದ್ದು ಮಿತ್ರನ ಮಾತುಗಳು ಬಂದು ಕಿವಿಗೆ ಅಪ್ಪಳಿಸಿ ಎತ್ತ ನೋಡಿದರೂ ಅವನದೆ ಮುಖ ಕಾಣುತ್ತಿದೆ. “ನಾ ಹೇಳುವದನ್ನು ಅರ್ಥಮಾಡಿ ಕೊಳ್ಳು...
