ಲೋಕಾಂತ ಎನಗೆ ಬೇಡ ಬೇಕು ಏಕಾಂತ
ಧ್ಯಾನ ಎನಗೆಬೇಕು ಕಾಣುವೆ ರಜನಿಕಾಂತ
ಕಾಮ ಕಾಂಚನಗಳ ಬೇಡ ಮತ್ತೆ ವಿಷಯ ಸುಖ
ಇಹಸುಖಗಳಲಿ ಬರೀ ಕಾಣುವೆ ದುಃಖ
ಜೀವನವೊಂದು ಹೋರಾಟ ಬರಿ ಯುದ್ಧ
ಇಂದ್ರಿಯಗಳೊಂದಿಗೆ ಕಾದಿದೆ ದ್ವಂದಯುದ್ಧ
ಕನಸುಗಳೇ ವಾಸ್ತವ ಮರೆಸುವ ಹಾಗೆ
ಅಸತ್ಯವೇ ಸತ್ಯವನ್ನು ಹೊಸಕಿ ಹಾಗುವ ಹಾಗೆ
ಯಾರ ಮುಂದೆ ಹೇಳಲಿ ಈ ನನ್ನ ಅಳಲು
ನನ್ನ ಅಂತರಂಗವನ್ನು ನಶಿಸಬೇಡಿ ಭಾವಗಳೇ
ನಾನು ನನ್ನವನನ್ನು ಕಾಣುವಂತೆ ನೀವು
ಸಹಕರಿಸಿ ನಿತ್ಯವೂ ನನ್ನ ನೇಮಗಳೇ
ಹೌದು ಕಳೆದಿಲ್ಲವೇ ಬಾಳು ನಾ ನಿಮ್ಮೊಂದಿಗೆ
ನಿಮ್ಮ ಭೋಗಲಾಲಸೆಗಳಿಗೆ ತೃಪ್ತಿಸಲಿಲ್ಲವೆ!
ಇನ್ನೂ ನಾಳಿನ ಬದುಕು ನನ್ನದಾಗಿರಲಿ
ಮಾಣಿಕ್ಯ ವಿಠಲನಾಗಿ ಪಾದವಿಡಲಿ
*****
